اسلام آباد : وزیر اعظم نواز شریف سے آرمی چیف جنرل راحیل شریف نے ملاقات کی،قومی سلامتی کے امور سمیت آپریشن ضرب عضب اور سرحدی صورتحال پر غور کیا گیا۔؎
ون آن ون ملاقات میں اہم فیصلے کر لئے گئے، تفصیلات کے مطابق وزیر اعظم نواز شریف اور آرمی چیف جنرل راحیل شریف نے ون آن ون ملاقات میں سیکورٹی کی صورتحال پرغور کیا اوربڈھ بیر حملے کے بعد دہشت گردوں کے خلاف فیصلہ کن کارروائی کا فیصلہ کیا گیا۔
ملاقات میں آپریشن ضرب عضب اور ملکی صورتحال کا جائزہ لیا گیا۔ ملاقات میں اس عزم کا اظہار کیا گیا کہ ملکی دفاع اور سالمیت پر کوئی سمجھوتہ نہیں کیا جائے گا۔
ذرائع کا کہناہے کہ ملاقات میں سرحد پار سے ہونیوالی دہشت گردی کی وارداتوں پر بھی بات چیت کی گئی۔ اس بار طے کیا گیا ہے کہ دہشت گردوں کا پیچھا صرف سرحد تک نہیں کیا جائے گا بلکہ سرحد پار بھی دہشت گردوں کو انجام تک پہنچایا جائے گا۔
