The news is by your side.

Advertisement

نوازشریف مسلم لیگ ن کے بلامقابلہ صدر منتخب

اسلام آباد : وزیراعظم میاں محمد نوازشریف مسلم لیگ ن کے بلا مقابلہ صدر منتخب ہوگئے ان کے مقابلے میں بلوچستان کے رہنما نے اپنے کاغذات جمع کرائے تھے۔

تفصیلات کےمطابق مسلم لیگ ن کے دس  بڑے عہدوں کے لیے انٹرا پارٹی الیکشن آج ہوئے جس وزیراعظم نوازشریف پارٹی کے بلامقابلہ صدر منتخب ہوگئے۔

مسلم لیگ ن کے پارٹی الیکشن میں راجہ ظفرالحق چیئرمین اور مشیرخارجہ سرتاج عزیز پارٹی کے سینئر نائب صدر منتخب ہوئے۔

وفاقی وزیراطلاعات پرویز رشید سیکریٹری فنانس جبکہ سینیٹر مشاہد اللہ خان پارٹی کے سیکریٹری اطلاعات منتخب کرلیے گئے۔

پارٹی الیکشن میں چنگیز مری،امدادحسین چانڈیو،یعقوب ناصر،سرانجام خان اور سکندر حیات خان مسلم لیگ ن کے سینئر نائب صدر منتخب ہوئے۔

خیال رہے کہ انیس سو پچاس اراکین پر مشتمل جنرل کونسل مرکزی عہدیداروں کا انتخاب کیا۔ مسلم لیگ ن کے عہدیداروں کا انتخاب چار سال کے لیے کیاگیاہے۔

یاد رہےکہ وفاقی وزیر اطلاعات ونشریات پرویز رشید نے صدر کے عہدے کے لیےنواز شریف کے کاغذات نامزدگی جمع کرائے تھے۔

انٹرا پارٹی الیکشن کا فیصلہ وزیراعظم کی زیر صدارت مرکزی مجلس عاملہ کے اجلاس میں کیا گیا تھا۔اس کام کےلیے پارٹی رہنماوں نے چوہدری جعفر اقبال کا انتخاب کیا تھا۔

اسلام آباد میں وزیرا عظم کی زیر صدرات گزشتہ روز ن لیگ کے اہم رہنماؤں کا اجلاس ہوا جس میں وزیر اعلیٰ پنجاب شہباز شریف،وفاقی وزراء اسحاق ڈار،پرویز رشید،چوہدری نثار،خواجہ آصف سمیت دیگراہم رہنماؤں نے شرکت کی تھی۔

مزید پڑھیں: الیکشن کمیشن کا مسلم لیگ ن کوانتخابی نشان الاٹ کرنے سےانکار

واضح رہے کہ گزشتہ ہفتے الیکشن کمیشن آف پاکستان نے مسلم لیگ (ن) کو انتخابی نشان الاٹ کرنے سے انکار کیا اور جلد پارٹی انتخابات کرانے کی ہدایت کی تھی۔

Comments

comments

یہ بھی پڑھیں