اسلام آباد: شریف خاندان کی جانب سے 1 کروڑ 75 لاکھ ڈالر (1 ارب 84 کروڑ روپے) کی رقم چین منتقل کیے جانے کا انکشاف ہوا ہے، رقم ملتان میٹرو منصوبے میں کک بیکس کی مدد میں وصول کی گئی تھی۔
تفصیلات کے مطابق شریف خاندان کی جانب سے 1 کروڑ 75 لاکھ ڈالر یعنی 1 ارب 84 کروڑ 41 لاکھ 50 ہزار روپے کی رقم چین بھیج گئی، یہ رقم چینی کمپنی نے ملتان میٹرو منصوبے میں منافع کے طور پر بھیجی، رقم کی ہیرا پھیری کا بھانڈا چینی سیکیورٹیز اینڈ ریگولیٹری کمیشن کی تحقیقات نے پھوڑ دیا۔
ریگولیٹری کمیشن کے مطابق چینی کمپنی یابیٹ نے 1 کروڑ 75 لاکھ ڈالر کا منافع چین منتقل کیا، چینی ریگولیٹری کمیشن نے ایس ای سی پی سے تفصیلات مانگیں لیکن ظفر حجازی، مشیر مظفر مرزا اور خالدہ حبیب نے معاملہ دبادیا اور ظفر حجازی نے چینی ریگولیٹری اتھارٹی کسی بھی قسم کی تفصیلات دینے سے انکار کردیا۔
چینی کمپنی کو ملتان میٹرو منصوبے کا ٹھیکہ کیپیٹل انجینئرنگ اینڈ کنسٹرکشن لمیٹڈ نے دیا جو کہ ایس ای سی پی میں درج ہی نہیں اور کمپنی کا پتا بھی غلط ہے۔
منافع کی رقم دبئی، ماریشس اور دیگر ممالک کے ذریعے بھجوائی گئی، ملتان میٹرو منصوبے کے بڑے کنٹریکٹرز نے کسی بھی کمپنی سے شراکت سے انکار کیا، یابیٹ کمپنی کو شہباز شریف، کلثوم پروین اور مشاہد اللہ نے بھی اسناد عطا کیں۔
