site
stats
پاکستان

نوازشریف کے خصوصی کنٹینر کی تیاری، کتنی لاگت آئی؟

اسلام آباد: وفاقی دارالحکومت سے لاہور روانگی کے لیے نکالی جانے والی ریلی میں نوازشریف کے زیراستعمال کنٹینر کی تیاری میں تقریباً پونے 2 کروڑ روپے لاگت آئی جس کے تمام اخراجات سینیٹر راجہ تنویر نے ادا کیے۔

مسلم لیگ ن کے ذرائع کے مطابق سابق وزیراعظم محمد نوازشریف کے لیے تیار کیے جانے والے بم پروف کنٹینر پر تقریباً پونے 2 کروڑ روپے لاگت آئی اور اس کے تمام اخراجات مسلم لیگ ن کے رہنماء نے ادا کیے۔

لیگی ذرائع کے مطابق چوہدری تنویر نے بم پروف کنٹینرخصوصی طور پر اپنی نگرانی میں تیار کروایا، سابق وزیراعظم کی خواہش کے عین مطابق کنٹینر میں واش روم، اے سی، بیڈ روم، میڈیا سینٹر سمیت اسٹاف کے لیے جگہ تیار کی گئی ہے جبکہ سیکیورٹی اہلکاروں کے لیے بھی ایک خصوصی جگہ بنائی گئی ہے۔

یاد رہے دو روز قبل سپریم کورٹ کی جانب سے نااہل قرار دیے جانے والے سابق وزیراعظم نوازشریف مری سے بذریعہ سڑک لاہور روانہ ہوئے، مقررہ راستہ طے کرنے کے بعد مسلم لیگ ن کی قیادت نے نوازشریف کو سیکیورٹی خدشات کے پیش نظر کنٹینر میں سوار کردیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top