The news is by your side.

Advertisement

اعلیٰ جج صاحبان کی زبان ان کے منصب کی توہین ہے: نواز شریف

اسلام آباد: سابق وزیر اعظم نواز شریف کا کہنا ہے کہ اعلیٰ جج صاحبان جو زبان استعمال کر رہے ہیں وہ انہیں زیب نہیں دیتی۔ ایسی زبان ان کے منصب کی توہین ہے۔

تفصیلات کے مطابق احتساب عدالت میں پیشی کے بعد میڈیا سے گفتگو کرتے ہوئے سابق وزیر اعظم نواز شریف نے کہا کہ اعلیٰ جج صاحبان کی زبان ان کے منصب کی توہین ہے۔ ڈان، سسیلین مافیا اور گاڈ فادر جیسے الفاظ استعمال کیے گئے۔ اب چور ڈاکوؤں جیسے الفاظ کا استعمال ان کے منصب کی توہین نہیں۔ ’پھر گلہ ہم سے کیا جاتا ہے کہ ہم توہین کر رہے ہیں‘۔

انہوں نے کہا کہ ایسے الفاظ سننے کو ملتے ہیں اور جملے کسے جاتے ہیں تو یہ کس کی توہین ہے۔ کیا اس طرح کا کوئی قانون ہے جس سے یہ بھی توہین کے زمرے میں آئیں۔

ان کا کہنا تھا کہ سیاستدان عمران خان اور چیف جسٹس کی زبان میں کیا فرق رہ گیا ہے۔ ہمیں بتایا جائے سارا معاملہ ون سائیڈڈ نہیں ہوتا۔ ہر انسان کا ایک ضمیر اور ایک عزت ہوتی ہے، اپنی ضمیر کی آواز پر ایسی چیزوں کے سامنے کھڑا ہونا چاہیئے۔

نواز شریف کا مزید کہنا تھا کہ میں کسی کرپشن میں ملوث نہیں، یہ لوگ ٹیڑھی بنیاد پر 10 منزلہ عمارت تعمیر کرنا چاہتے ہیں۔ اب یہ لوگ مجھے پارٹی کی صدارت سے بھی ہٹانا چاہتے ہیں۔ ’مشرف سے حلف لینے والے کیا ہمیں اخلاقیات کا درس دیں گے‘۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں