The news is by your side.

Advertisement

نواز شریف کی روانگی کا سامان تیار ہے، مریم نواز

لاہور: مسلم لیگ ن کی نائب صدر اور نواز شریف کی صاحبزادی مریم نواز نے کہا ہے کہ نواز شریف کی روانگی کا سامان تیار ہوگیا ہے۔

تفصیلات کے مطابق مسلم لیگ ن کی نائب صدر مریم نواز نے حسین نواز کو ٹیلی فون کیا اور نواز شریف کی بیرون ملک روانگی کے حوالے سے آگاہ کیا۔

مریم نواز نے کہا کہ نواز شریف کے باہر جانے کی تیاری مکمل ہے ان کی روانگی کا سامان تیار ہوگیا ہے بس کلیئرنس سرٹیفکیٹ ملنے پر ایئرایمبولینس تیار ہوگی۔

ذرائع کا کہنا ہے کہ قطر سے ایئرایمبولینس پاکستان منگوائی جائے گی، ایئرایمبولینس میں تمام طبی سہولتیں موجود ہوتی ہیں۔

مزید پڑھیں: لاہور ہائیکورٹ نے نوازشریف کو بیرون ملک جانے کی اجازت دیدی

مسلم لیگ ن کے پارٹی ذرائع کا کہنا ہے کہ ایئرایمبولینس میں تمام طبی سہولتیں موجود ہوتی ہیں، ایئرایمبولینس کے ساتھ شہباز شریف، ڈاکٹر عدنان روانہ ہوں گے۔

ذرائع کا مزید کہنا ہے کہ ایئرایمبولینس پاکستان پہنچنے کا دورانیہ 3 سے 4 گھنٹے ہے۔

یاد رہے کہ کچھ دیر قبل ہی لاہور ہائی کورٹ نے حکومت کی انڈیمنٹی بانڈ کی شرط مسترد کرتے ہوئے سابق وزیراعظم نواز شریف کو علاج کے لیے بیرون ملک جانے کی اجازت دے دی ہے۔

شہباز شریف کا کہنا تھا کہ عدالت نے 4 ہفتے کی اجازت دی ہے، صحت بہتر نہ ہونے پر مدت میں توسیع کی درخواست دے سکتے ہیں۔

fb-share-icon0
Tweet 20

Comments

comments

یہ بھی پڑھیں