The news is by your side.

نوازشریف یورپ کیوں گئے؟ وجہ سامنے آگئی

لندن: نواز شریف کو سفارتی پاسپورٹ ملنے کے بعد ان کی یورپ روانگی کی اصل وجہ سامنے آگئی، نواز شریف برطانیہ میں اپنے قیام کو قانونی جواز دینے کیلئے یورپ روانہ ہوئے۔

اس حوالے سے ذرائع کا کہنا ہے کہ قانونی طور پر برطانیہ میں وزٹ ویزے پر6ماہ سے زیادہ مستقل قیام کی اجازت نہیں ہے۔ ذرائع کے مطابق نواز شریف کو کورونا وائرس کی عالمی وباء کی وجہ سے برطانیہ میں مزید قیام کی توسیع ملتی رہی۔

بعد ازاں کورونا کی صورتحال میں بہتری آنے کے بعد ہوم آفس نے نوازشریف کے قیام میں مزید توسیع درخواست مسترد کردی تھی۔ نوازشریف ہوم آفس کے فیصلے کےخلاف اپیل لے کر عدالت بھی گئے تھے۔

ذرائع کا کہنا ہے کہ نوازشریف نے ہوم آفس کے فیصلے کےخلاف اپیل واپس لے لی ہے، یورپ سے واپسی کے بعد نوازشریف 6ماہ تک برطانیہ میں مزید قیام کرسکیں گے۔

مزید پڑھیں : سفارتی پاسپورٹ ملتے ہی نوازشریف یورپ روانہ

واضح رہے کہ  نوازشریف اور مریم نواز اپنے دیگر اہل خانہ کے ساتھ آج صبح لندن سے یورپ روانہ ہوگئے، نواز شریف کا لندن میں تین سالہ قیام کے دوران برطانیہ سے پہلا انٹرنیشنل سفر ہے۔

موجودہ حکومت نےکچھ دن قبل ہی نوازشریف کو پاسپورٹ جاری کیا تھا، نواز شریف کو جاری کیا جانے والا یہ سفارتی پاسپورٹ ہے جس کی مدت دس سال ہے یہ ترجیحی بنیاد پر عام کیٹیگری میں جاری کیا گیا تھا۔

Comments

یہ بھی پڑھیں