سابق نااہل وزیراعظم کو نیب نے طلب کرلیا NAB called nawaz
The news is by your side.

Advertisement

نااہل وزیراعظم نوازشریف نیب کےسامنے پیش نہیں ہوئے

روالپنڈی : نا اہل وزیراعظم نوازشریف العزیزیہ اسٹیل اور فلیگ شپ انویسٹمنٹ کے ضمنی ریفرنسز میں بیان ریکارڈ کراوانے کے لیے نیب کے سامنے پیش نہیں ہوئے۔

تفصیلات کے مطابق نیب راولپنڈی نے سابق وزیراعظم نوازشریف کو ضمنی ریفرنسز میں بیان ریکارڈ کروانے کے لیے آج صبح 11 بجے طلب کیا تھا تاہم وہ نیب کے سامنے پیش نہیں ہوئے۔

ذرائع کا کہنا ہے کہ نیب روالپنڈی نے لندن سے ملنے والے نئے شواہد کی بنا پر العزیزیہ اسٹیل اور فلیگ شپ انویسٹمنٹ کیس میں ضمنی ریفرنس دائر کرنے کا فیصلہ کیا ہے جو آئندہ ہفتے احتساب عدالت میں دائر کیا جائے گا۔

نیب کی جانب سے ایون فیلڈ اپارٹمنسٹس ریفرنس میں نا اہل وزیراعظم نوازشریف اور ان کے بچوں حسن اور حسین نواز، بیٹی مریم نواز اور داماد کیپٹن ریٹائرڈ صفدر کو ملزم نامزد کیا گیا ہے۔

العزیزیہ اسٹیل ملز اور فلیگ شپ انویسٹمنٹ ریفرنس میں نوازشریف اور ان کے دونوں صاحبزادوں حسن نواز اور حسین نواز کو ملزم نامزد کیا گیا ہے۔


ایون فیلڈ ضمنی ریفرنس میں نوازشریف کےاعتراضات مسترد


خیال رہے کہ گزشتہ ماہ نیب نے سابق وزیراعظم نوازشریف سمیت ان کے خاندان کے 5 افراد کے خلاف احتساب عدالت میں ایون فیلڈ پراپرٹیز کے سلسلے میں ضمنی ریفرنس دائر کیا تھا۔


کسی کیس کو درگزر نہیں کریں گے: چیئرمین نیب


یاد رہے کہ دو روز قبل چیئرمین نیب نے پنجاب حکومت کے ریکارڈ فراہم نہ کرنے پر نوٹس لیتے ہوئے اسے قانون کی خلاف ورزی قرار دیا تھا۔

بعدازاں ترجمان پنجاب حکومت نے کہا تھا کہ چیئرمین نیب کی جانب سے تعاون نہ کرنے کے بیان میں کوئی حقیقت نہیں ہے، پنجاب کے تمام ادارے اور محکمے نیب سے مکمل تعاون کررہے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں