The news is by your side.

نواز شریف نے وزیر اعظم کی جگہ اسحاق ڈار کو خصوصی ٹاسک دے دیا

اسلام آباد : مسلم لیگ ن کے قائد نواز شریف نے وزیر اعظم کی جگہ اسحاق ڈارکو خصوصی ٹاسک دے دیا تاہم نوازشریف خود بھی اتحادی جماعتوں کے قائدین سےرابطہ کر سکتے ہیں۔

تفصیلات کے مطابق حکومتی جماعتوں میں رابطے اور مشاورت جاری ہے، نواز شریف نے وزیر اعظم کی جگہ اسحاق ڈارکو خصوصی ٹاسک دیا۔

ذرائع نے کہا کہ وزیر اعظم شہبازشریف کو صورتحال سے آگاہ کیا گیا اور اہم تعیناتی سے متعلق ن لیگ کی رائےسے اتحادیوں کو آگاہ کیاگیا۔

اتحادی جماعتوں کو نواز شریف کا پیغام پہنچایا گیا جبکہ آصف زرداری ،مولانا فضل الرحمان کا جواب نواز شریف تک پہنچا دیا گیا۔

ذرائع کے مطابق نوازشریف خود بھی اتحادی جماعتوں کے قائدین سے رابطہ کر سکتے ہیں، آئندہ چند روز میں اہم فیصلوں کا امکان ہے۔

یاد رہے وزیر خزانہ اسحاق ڈار نے نواز شریف کی ہدایت پر صدر مملکت عارف علوی سے اہم ملاقات کی، ملاقات میں وزیر خزانہ اسحاق ڈار نے آئندہ ہونے والے اہم فیصلوں پر صدر مملکت کو اعتماد میں لیا۔

Comments

یہ بھی پڑھیں