اسلام آباد : وزیر اعظم کے معاون خصوصی شہباز گل نے کہا ہے کہ دنیا کو آہستہ آہستہ لاک ڈاؤن کے منفی اثرات کی سمجھ آرہی ہے، وزیراعظم عمران خان بہت عرصہ قبل یہ بات سمجھانا شروع کردی تھی۔
تفصیلات کے مطابق وزیر اعظم عمران خان کے معاون خصوصی برائے سیاسی روابط ڈاکٹر شہباز گل نے ان خیالات کا اظہار سماجی رابطے کی ویب سائٹ ٹویٹر پر کیا، انہوں نے کہا کہ نام نہاد لیڈروں کو قوم سے معافی مانگنی چاہیے جو کرونا وائرس پر سیاست چمکا رہے تھے۔
ڈاکٹر شہباز گل کا کہنا تھا کہ نام نہاد لیڈرز صرف لاک ڈاؤن کو آخری حل قرار دے رہے تھے، انہوں نے اپنے ٹویٹ میں کاہ کہ ان کا حال یہ ہے کہ رنگے ہاتھوں پکڑے جانے پر شرمندہ بھی نہیں ہوتے۔
ان کا کہنا تھا کہ نوازشریف نے سپریم کورٹ سے بد دیانت ہونے کی سند حاصل کی، سند حاصل کرنے کے بعد اپنے جیسے کئی چھوٹے چھوٹے نواز شریف قوم کو دے گئے۔
نواز شریف صاحب سپریم کورٹ سے جھوٹے اور بددیانت ہونے کی سند حاصل کرنے کے بعد اپنے جیسے کئ چھوٹے چھوٹے نواز شریف قوم کو دے گئے اور لیول ہےانکا کہ رنگے ہاتھوں پکڑے جانے پر شرمندہ بھی نہیں ہوتے
کوشش تو کریں ایک دن مکمل ایسا گزارنے کی جس میں جھوٹ نہ بولیں!
ٹرائی کرنے میں کیا ہرج ہے؟— Dr. Shahbaz GiLL (@SHABAZGIL) May 25, 2020
وزیر اعظم کے معاون خصوصی نے مشورہ دیا کہ کوشش تو کریں ایک دن مکمل ایسا گزار نے کی جس میں جھوٹ نہ بولیں۔
انہوں نے اپنی سیاسی حریف مسلم لیگ نواز کو تنقید کا نشانہ بناتے ہوئے کہا کہ ن لیگ کے سی کیٹگری کے لوگ خان کی 2017 کی تصاویر لگا کر جھوٹ پھیلا رہے ہیں، ایسے جھوٹے لوگ ہیں کہ عید کہ دوسرے دن بھی جھوٹ بولے بغیر نہیں گزار سکتے۔
جو بات دنیا کو آہستہ آہستہ سمجھ آ رہی ہے وہ وزیراعظم عمران خان نے بہت عرصہ قبل سمجھانا شروع کر دی تھی۔
ان نام نہاد لیڈروں کو قوم سے معافی مانگنی چاہیے جو کرونا پر سیاست چمکا رہے تھےاور صرف لاک ڈاؤن کو آخری حل قرار دے رہے تھے۔مردِ ناداں پر کلامِ نرم و نازک بے اثر
(علامہ اقبال) https://t.co/xxhYoB5N8v— Dr. Shahbaz GiLL (@SHABAZGIL) May 25, 2020
معاون خصوصی برائے سیاسی رابط شہباز گل کا اپنے ٹویٹ میں مزید کہنا تھا کہ اب تو ان کی قسمت اور حالت پر بھی ترس آتا ہے۔
