The news is by your side.

Advertisement

عمران خان حیثیت دیکھ کر نواز شریف کو چیلنج کریں، پرویز رشید

اسلام آباد : وفاقی وزیراطلاعات پرویز رشید نے کہا ہے کہ تحریک انصاف کے سربراہ عمران خان اپنی حیثیت دیکھ کر نواز شریف کو چیلنج کریں، وہ تیسری بار ملک کے وزیر اعظم بنے ہیں جبکہ وہ خود بمشکل تیسری بار ایم این اے منتخب ہو سکے ہیں۔

نواز شریف کے سپاہی سے ہارنے والا انہیں کیسے چیلنج کر سکتا ہے۔ یہ بات انہوں نے اپنے میڈیا کو جاری ایک بیان میں کہی، ان کا کہنا تھا کہ عمران خان کودوحلقوں میں امیدواربھی دستیاب نہ ہوسکے۔

پرویز رشید کا کہنا تھا کہ کوئی بھی سنجیدہ شخص تحریک انصاف کاٹکٹ لینےسے گریزاں ہے۔ عمران خان کودوحلقوں میں امیدواربھی دستیاب نہ ہوسکے۔

ان کا کہنا تھا کہ جس نظام کو عمران خان گالیاں دیتے ہیں اسی نظام کے تحت ہونے والے دو عدالتی فیصلوں کے سبب وہ اس وقت اترا رہے ہیں۔

ان کا کہنا تھاکہ حکومت کے پاس الیکشن کمیشن اراکین کو فارغ کرنے کا کوئی اختیار نہیں۔ پی ٹی آئی کاٹکٹ دیہاڑی اوربےروزگارسیاست دان لےسکتےہیں۔

انہوں نے کہاکہ چیئرمین تحریک انصاف نےلاہورکی ترقی پرہمیشہ تنقید کی ہے، عمران خان انتخاب میں شیرکاسامنا کرنےسے بھاگ رہےہیں، اب کس منہ سے لاہوریوں سے ووٹ مانگیں گے۔

Comments

comments

یہ بھی پڑھیں