نوازشریف عدالت کی توہین کررہے ہیں، بیرسٹر فروغ نسیم nawaz
The news is by your side.

Advertisement

نوازشریف عدالت کی توہین کررہے ہیں، بیرسٹر فروغ نسیم

کراچی: معروف قانون دان بیرسٹر فروغ نسیم نے کہا ہے کہ نوازشریف اپنی ریلی کی تقاریر میں توہینِ عدالت کررہے ہیں۔

اے آر وائی نیوز سے خصوصی گفتگو کرتے ہوئے بیرسٹر فروغ نسیم نے کہا کہ نوازشریف اپنے خطابات کے ذریعے عدالت کی توہین کررہے ہیں انہیں عدالتی توہین کے بجائے سابق وزیراعظم یوسف رضا گیلانی کی طرح سپریم کورٹ کا فیصلہ تسلیم کرنا چاہیے۔

انہوں نے کہا کہ سابق وزیراعظم نے عدالتی فیصلہ قبول کیا اور وہ خاموشی سے گھر چلے گئے جبکہ نوازشریف سپریم کورٹ کے فیصلے پر سڑکوں پر نکل آئے، مسلم لیگ ن کی ریلی عوامی مسائل کو حل کرنے کے لیے نہیں ہیں۔

بیرسٹر فروغ نسیم نے کہا کہ نوازشریف کے پاس اکثریت ہے تو اسمبلی سے آرٹیکل 63،62 میں ترامیم کروالیں، سپریم کورٹ کے فیصلے پر سڑکوں پر نکلنے والے نوازشریف لوگوں کو کیا پیغام دے رہے ہیں یہ انہیں خود بھی نہیں معلوم۔

ماہر قانون دان نے مزید کہا کہ نااہلی ریلی کا مقصد عوامی مسائل نہیں بلکہ کچھ اور ہے، تمام سیاستدانوں کو ادارے کا احترام کرتے ہوئے سپریم کورٹ کے فیصلے کو تسلیم کرنا ہوگا۔

یاد رہے سپریم کورٹ کی جانب سے نااہل قرار دینے کے بعد نوازشریف کاررواں کی صورت میں اسلام آباد سے لاہور جارہے ہیں، اس دوران انہوں نے دو مقامات پر کارکنان سے خطاب کرتے ہوئے ججز کے نااہلی فیصلے پر شدید تنقید بھی کی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں