The news is by your side.

Advertisement

اپنی وزارت عظمیٰ ہار کر پاکستان کو جتوانے کے لئے نکلا ہوں، نوازشریف

اسلام آباد : سابق وزیر اعظم میاں نواز شریف نے کہا ہے کہ میں وزارت عظمیٰ ہار کر پاکستان کو جتوانے کے لئے نکلا ہوں، کوئی کرپشن نہیں کی میرے خلاف فیصلہ واپس ہوگا۔

ان خیالات کا اظہار انہوں نے اسلام آباد میں ورکرز کنونشن سے خطاب کرتے ہوئے کیا، نواز شریف نے کہا کہ مجھے پوری عمر کیلئے نااہل کردیا گیا۔

میں نے کوئی کرپشن نہیں کی تھی بیٹے سے تنخواہ نہ لینے پر نکالا گیا لیکن آج اسلام آباد والوں کو دیکھ کر خوش ہوں، سب کچھ بھول گیا ہوں، آپ کو دیکھ کر میرا5کلو خون بڑھ گیا ہے، لگ رہا ہے دو ماہ بعد آپ کی پاکستان پر حکمرانی ہوگی۔

انہوں نے کہا کہ ن لیگ کیلئے نہیں جمہوریت اور آپ کی فتح کیلئے میدان میں نکلا ہوں، وزارت عظمیٰ ہار کر پاکستان کو جتوانے کیلئے نکلاہوں، میرےخلاف فیصلہ واپس ہوگا، وعدہ کرتا ہوں، دوبارہ آؤں گا آپ کو باعزت روزگار ملے گا۔

نواز شریف نے کہا کہ ہم پاکستان کیلئے لڑ رہے ہیں جبکہ مخالفین کا کوئی ایجنڈا نہیں، 25جولائی کو پھر قوم کا امتحان آنے والا ہے جس میں آپکو اے گریڈ لینا ہے، جن کے پاس گھر نہیں انہیں چھت ملے گی، میں جو کہتا ہوں کرکے دکھاتا ہوں باقی سب فراڈ اور جھوٹے لوگ ہیں۔

سابق وزیر اعظم نے عمران خان پر تنقید کرتے ہوئے کہنا تھا کہ انہوں نے خیبر پختونخوا میں کیا کام کیا؟ ”ووٹ کو عزت دو کا مطلب ہے“گوعمران گو ۔عمران خان نے ہم کو کام نہیں کرنے دیا ۔ اگر ہم کو کام سے نہ روکا جاتا توہم سو گنا کام کرتے، پنجاب میں شہباز شریف نے جو کام کیے وہ بے مثال ہیں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں