The news is by your side.

Advertisement

کیا وجہ تھی کہ بنی گالہ اور کراچی والے ایک ہی دربار پرجا کر جھک گئے؟ نواز شریف

اسلام آباد : سابق وزیر اعظم نواز شریف کا کہنا ہے کہ کیا وجہ تھی کہ بنی گالہ اور کراچی والے ایک ہی دربار پرجا کر جھک گئے؟ وجہ عوام کے سامنے آنی چاہئے۔

تفصیلات کے مطابق احتساب عدالت کے باہر نواز شریف نے صحافیوں سے غیررسمی گفتگو میں اپوزیشن پر تنقید کرتے ہوئے کہا کہ کیا وجہ تھی کہ بنی گالہ والے اور کراچی سے آنے والے ایک ہی دربار پرجا کر جھک گئے؟ کیاوجہ تھی کہ جی پی ایس کی طرح ہرکوئی ایک ہی جگہ پرجا پہنچا۔

نوازشریف کا کہنا تھا کہ سب کے ایک ہی جگہ جھکنے کی وجوہات عوام کے سامنے آنی چاہئیں۔

صحافی نے سوال کیا کہ سینیٹ الیکشن کی طرح2018 الیکشن بھی مینیج کیا گیا تو کیاکریں گے، تو جواب میں نواز شریف کا کہنا تھا کہ اب نہ وہ وقت رہا ہے نہ ہی حالات، دنیا بہت آگے چلی گئی ہے ، نگراں حکومت آئین سے بالاتر ہو کر کوئی کام نہیں کر سکتی ۔


مزید پڑھیں :  چابی والے کھلونو، تم جیت کر بھی ہار گئے، نواز شریف


یاد رہے گذشتہ روز اسلام آباد میں پاکستان مسلم لیگ ن کی مرکزی جنرل کونسل کے اجلاس سے خطاب کرتے ہوئے سابق وزیراعظم نواز شریف نے کہا تھا کہ جو مشن میں نے چن لیا، وہ ایمان کا حصہ ہے، اس سے پیچھے نہیں ہٹوں گا، آپ کو بھی چین سے نہیں بیٹھنے دوں گا، ہمارا منشور چارالفاظ ہوں گے، ووٹ کوعزت دو۔

حریفوں‌ پرکڑی تنقید کرتے ہوئے انکا کہنا کہ بنی گالہ والا اور بلاول ہاؤس والے ایک ہی بارگاہ میں‌ جھک گئے، کون ہے وہ جس کے آگے جاکر جھکے ہو، یہ چابی والے کھلونے ہیں، ملک تاریخ میں کبھی ایسا نہیں ہوا، تم جیت کر بھی ہار گئے، ہم ہار کر بھی جیت گئے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں