اسلام آباد : سابق وزیر اعظم نواز شریف کا کہنا ہے کہ عمران خان کی ضمانت ایک راز ہے،جلدپردہ اٹھاؤں گا، میرا سعودی عرب جاناکوئی عجوبہ نہیں، سعودی عرب سےپاکستان کے مضبوط تعلقات ہیں۔
تفصیلات کے مطابق نااہل سابق وزیراعظم نواز شریف نے احتساب عدالت کے باہر میڈیا سے گفتگو کرتے ہوئے کہا کہ میرا سعودی عرب جاناکوئی عجوبہ نہیں، سعودی عرب سےپاکستان کے مضبوط تعلقات ہیں، سعودی عرب پاکستان کو برادر،دوست ملک مانتاہے۔
نواز شریف کا کہنا تھا کہ یہ کیسی دھاندلی ہےجوآج تک نہیں ملی، اتناعرصہ ہوگیامیرےخلاف کوئی دھاندلی نہیں مل سکی، نیب ریفرنس میں ہم پیش ہورہےہیں، پروپیگنڈا کرنیوالوں نے مجھ پر نہیں ملک پر ظلم کیا ہے۔
انھوں نے مزید کہا کہ عمران خان نےایمنسٹی کواستعمال کیا، عمران خان نے پتہ نہیں کہاں سےپیسہ حاصل کیا تھا، عمران خان نے لاکھوں پاؤنڈکی ٹرانزیکشن کااعتراف کیا ، عمران خان نےکہاجرم ہوگیاہے،مجھے معافی دی جائے، چوری نہیں کی توعمران خان نے معافی کیوں مانگی؟
مزید پڑھیں : وقت آگیا کہ آئین توڑنے والوں کو سزا دلوائی جائے: نواز شریف
سابق وزیراعظم کا کہنا تھا کہ نوازشریف ہوامیں باتیں نہیں کرتا، عمران خان نے اقبال جرم کیا، بینچ صادق اورامین قرار دے رہا ہے، نوازشریف نےتوکبھی معافی نہیں مانگی، مجھ پر آج تک کوئی جرم ثابت بلکہ کچھ تلاش ہی نہیں کرسکے، ویزےکادوسرانام اقامہ اوراقامےکادوسرانام ویزہ ہے۔
انھوں نے کہا کہ عمران خان کو ایمنسٹی کے باوجود صادق وامین قراردیا گیا، میری خیالی تنخواہ پرمجھےنکال دیاگیا،قوم فیصلہ کرےگی، این اے120میں مریم نےمہم چلائی اورکہایہ ریفرنڈم ہوگا، ریفرنڈم میں عمران خان اوروہ بینچ ہارگیا اور آئندہ الیکشن بھی ریفرنڈم ہوگا۔
عمران خان کی ضمانت کے حوالے سے نواز شریف کا کہنا تھا کہ عمران خان کی ضمانت بھی ایک بہت بڑی کہانی ہے، جلد بتاؤں گا۔
