ریاض : سابق وزیراعظم نواز شریف نے سعودی ولی عہد شہزادہ محمد بن سلمان سے ملاقات میں پاکستان کو درپیش مسائل کے حل پر گفتگو کی۔
تفصیلات کے مطابق وزیراطلاعات مریم اورنگزیب نے سماجی رابطے کی ویب سائٹ ٹوئٹر پر اپنے بیان میں کہا کہ سابق وزیراعظم نواز شریف کی سعودی ولی عہد شہزادہ محمد بن سلمان سے ملاقات ہوئی، مریم نواز بھی ملاقات میں موجود تھیں۔
مریم اورنگزیب کا کہنا تھا کہ ملاقات میں سعودی پاک برادرانہ تعلقات کے مزید فروغ دینے سمیت پاکستان کو درپیش مسائل کے حل پر بات ہوئی۔
وزیراطلاعات نے بتایا کہ قائد نوازشریف نے سعودی قیادت کیلئے نیک تمناؤں کا اظہار کیا۔
قائد محمد نواز شریف کی وزیراعظم سعودی عرب، ولی عہد شہزادہ محمد بن سلمان سے ملاقات ہوئی۔ محترمہ مریم نواز بھی ملاقات میں موجود تھیں۔ قائدین نے سعودی پاک برادرانہ تعلقات کے مزید فروغ اور پاکستان کو درپیش مسائل کے حل پر بات کی۔ قائد نوازشریف کا سعودی قیادت کے لئے نیک تمناؤں کا اظہار
— Marriyum Aurangzeb (@Marriyum_A) April 21, 2023
خیال رہے مسلم لیگ ن کے قائد اپنی فیملی کے ہمراہ سعودی عرب میں موجود ہیں ، نواز شریف نے مکہ مکرمہ میں عمرے کی ادائیگی کے بعد مسجد بنوی میں روضہ رسول پر حاضری دی۔
