اسلام آباد: میاں نواز شریف نے قومی اسمبلی میں اپوزیشن لیڈر شہباز شریف سے ملاقات کی، ملاقات میں پارٹی امور پر مشاورت کی گئی۔
تفصیلات کے مطابق سابق وزیرِ اعظم نواز شریف ن لیگ کے صدر شہباز شریف سے ملاقات کے لیے اپوزیشن لیڈر کی رہائش گاہ منسٹرز انکلیو اسلام آباد پہنچ گئے۔
[bs-quote quote=”شہبا شریف نے نے پارٹی کی 18 رکنی مجلسِ عاملہ تشکیل دے دی” style=”style-7″ align=”left” color=”#dd3333″][/bs-quote]
شریف برادران کی ملاقات میں ملک کی موجودہ سیاسی صورتِ حال اور پارٹی امور پر مشاورت کی گئی، ملاقات میں نیب کیسز اور آئندہ کی حکمتِ عملی پر بھی بات چیت کی گئی۔
میاں نواز شریف نے ملاقات میں شہباز شریف کے ساتھ قومی اسمبلی اجلاس سے متعلق حکمتِ عملی پر تبادلۂ خیال کیا، جب کہ دیگر اپوزیشن جماعتوں سے رابطوں پر بھی غور کیا گیا۔
خیال رہے کہ اپوزیشن لیڈر میاں شہباز شریف کی منسٹرز انکلیو والی رہائش گاہ کو نیب کی جانب سے سب جیل کا درجہ دیا گیا ہے۔
دریں اثنا پاکستان مسلم لیگ ن کے صدر نے پارٹی کی 18 رکنی مجلسِ عاملہ تشکیل دے دی، جس کے کنوینر کے لیے احسن اقبال کو منتخب کیا گیا ہے۔
یہ بھی پڑھیں: میڈیکل بورڈ نے شہباز شریف کو میڈیکلی فٹ قرار دے دیا
دوسری طرف ڈاکٹرز نے آج صبح 7 بجے منسٹرز انکلیو میں شہباز شریف کا طبی معائنہ کیا، میڈیکل بورڈ نے معائنے کے بعد شہباز شریف کو فٹ قرار دے دیا۔
ڈاکٹرز نے شہباز شریف کا بلڈ پریشر، ای سی جی ٹیسٹ کیا جب کہ معدے، گردوں اور مثانے کے الٹرا ساؤنڈ کیے گئے، تمام ٹیسٹ نارمل نکلے۔
بعد ازاں شہباز شریف کا میڈیکل فٹنس سرٹیفکیٹ نیب کو فراہم کر دیا گیا۔ خیال رہے کہ گزشتہ روز بھی پولی کلینک کے میڈیکل بورڈ نے شہباز شریف کا طبی معائنہ کیا تھا۔
