نواز شریف اور شہباز شریف کی ملاقات، ملکی صورت حال پر تبادلہ خیال Nawaz Sharif
The news is by your side.

Advertisement

نواز شریف اور شہباز شریف کی ملاقات، ملکی صورت حال پر تبادلہ خیال

لاہور:سابق نااہل وزیر اعظم نوازشریف وزیر اعلیٰ پنجاب کی عیادت کے لیے ماڈل ٹاؤن پہنچ گئے، ملاقات میں‌ ملکی صورت حال اور سیاسی امور پر بھی تبادلہ خیال کیا گیا.

تفصیلات کے مطابق میاں‌نواز شریف ماڈل ٹاؤن میں‌ شہباز شریف کی رہائش گاہ پہنچے، جہاں‌ انھوں‌ نے وزیر اعلیٰ پنجاب کی عیادت کی اور خیریت دریافت کی.

اس موقع پر سابق وزیر اعظم نے شہباز شریف کے لئے نیک تمناؤں کااظہار کرتے ہوئے کہا، ہم سب آپ کی مکمل جلد صحت یابی کے لئے دعا گو ہیں، آپ صوبے کے عوام کی دل و جان سےخدمت کر رہے ہیں.

ملاقات میں‌ وزیر اعلیٰ پنجاب کا کہنا تھا کہ عوام کی دعاؤں سے اب میری طبیعت پہلے سے بہت بہتر ہے، صحت یاب ہوکرپہلے سے زیادہ عزم سےعوامی خدمت کروں گا.

سابق وزیر اعظم اور وزیر اعلیٰ پنجاب کے درمیان ہونے والی اس ملاقات میں‌ ملکی صورت حال اور سیاسی امور پر بھی تبادلہ خیال کیا گیا.

شہبازشریف وزارت عظمیٰ کے حتمی امیدوار نہیں: شاہد خاقان عباسی

اس موقع پر سابق وزیراعظم نے شہبازشریف کی مکمل اور جلد صحت یابی کے لئے نیک تمناؤں کا اظہار کیا.

کیا ن لیگ انتشار کا شکار ہے؟

یاد رہے کہ اس وقت مسلم لیگ ن میں انتشار اور نواز شریف کی جانشینی کے معاملے میں اختلافات کی خبریں‌ گردش میں‌ ہیں۔

واضح رہے کہ میاں‌ صاحب کی نااہلی کے بعد شہباز شریف کا نام اگلے وزیر اعظم کے طور پر لیا گیا تھا، مگر پھر شاہد خاقان عباسی نے مستقل بنیادوں‌ پر یہ عہدہ سنبھال لیا.

شاہد خاقان عباسی عبوری اور شہباز شریف مستقل وزیراعظم نامزد

کچھ روز قبل پھر ن لیگی رہنماؤں‌ کی جانب سے شہباز شریف کو اگلا انتخابات میں وزیر اعظم کے امیدوار کے طور نامزد کرنے کی خبر آئی تھی، مگر پھر شاہد خاقان عباسی کا ایک بیان سامنے آیا تھا، جس میں‌ انھوں‌ نے کہا تھا کہ شہباز شریف وزارت عظمیٰ کے حتمی امیدوار نہیں، الیکشن کے بعد پارٹی کی مجلس عاملہ وزیر اعظم نامزد کرے گی.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں

Comments

comments

یہ بھی پڑھیں