نواز شریف کی قومی احتساب بیورو کے دفتر میں شہباز شریف سے ملاقات -
The news is by your side.

Advertisement

نواز شریف کی قومی احتساب بیورو کے دفتر میں شہباز شریف سے ملاقات

لاہور: سابق وزیرِ اعظم اور احتساب عدالت سے سزا یافتہ نواز شریف نے قومی احتساب بیورو (نیب) کے دفتر میں اپنے بھائی شہباز شریف سے ملاقات کی۔

تفصیلات کے مطابق نواز شریف نے نیب آفس میں مسلم لیگ ن کے صدر اور قومی اسمبلی میں اپوزیشن لیڈر شہباز شریف سے ملاقات کی، ملاقات میں موجودہ سیاسی صورتِ حال اور آئندہ کے لائحہ عمل پر بات چیت ہوئی۔

ملاقات میں نصرت شہباز، حمزہ شہباز، اور سلمان شہباز بھی موجود تھے

بہ طور وزیرِ اعلیٰ پنجاب اپنے اختیارا ت کے غلط استعمال کے الزام میں گرفتار شہباز شریف سے ملاقات میں نصرت شہباز، حمزہ شہباز، اور سلمان شہباز بھی موجود تھے۔

یاد رہے کہ نواز شریف نے شہباز شریف سے ملاقات کی خواہش کی تھی، چیئرمین نیب جسٹس (ر) جاوید اقبال نے شریف خاندان کو ملاقات کی خصوصی اجازت دی تھی۔


یہ بھی پڑھیں:  قومی احتساب بیورو نے شہباز شریف کی گرفتاری کی بنیادی وجوہات بتادیں


نواز شریف کی جانب سے قانونی ٹیم نے شہباز شریف سے ملاقات کے لیے چیئرمین نیب کو درخواست دی تھی، ملاقات کے اختتام پر شریف فیملی سخت سیکورٹی میں نیب دفتر سے روانہ ہوگئی۔

نیب سے جاری تحقیقاتی رپورٹ میں کہا گیا ہے کہ شہباز شریف کے خلاف پی ایل ڈی سی اور کاسا ڈویلپرز سے متعلق تحقیقات ہورہی تھیں، انھوں نے غیر قانونی طور پر پی ایل ڈی سی کے بورڈ آف ڈائریکٹرز کے اختیارات حاصل کیے تھے، اس الزام میں انھیں گرفتار کیا گیا۔

Comments

comments

یہ بھی پڑھیں