The news is by your side.

Advertisement

نوازمودی خفیہ ملاقات نے کئی سوالات کھڑے کردیئے، عمران خان

اسلام آباد : پاک بھارت وزرائے اعظم کی کھٹمنڈو میں ہونے والی خفیہ ملاقات کے انکشاف پر چیئر مین پی ٹی آئی عمران خان نے حیرانگی کا اظہار کرتے ہوئے کہا ہے کہ دونوں وزرائے اعظم کی کھٹمنڈو میں ملاقات سے متعلق خاموشی اور پیرس میں سرگوشی نے کئی سوالات کھڑے کر دیئے ہیں۔

اسلام آباد سے جاری بیان میں عمران خان نے بھارتی صحافی کی جانب سے مودی نواز خفیہ ملاقات کے انکشاف پرحیرانی کا اظہار کرتے ہوئے کہا ہے کہ دونوں ملکوں کے درمیان ایل او سی سمیت بہت سے معاملات پر بات چیت ضروری ہے لیکن بدقسمتی سے دونوں ملکوں کی لیڈر شپ میں ہمت نہیں کہ معاملات سب کے سامنے اٹھائے جائیں۔

عمران کان نے کہا کہ نریندر مودی بھارتی انتہا پسندوں کے ہاتھوں یرغمال ہیں جبکہ نواز شریف نے ملاقات میں اسٹیبلشمنٹ سے اپنے خوف کا اظہار کیا ہے۔

نواز شریف میں خود اعتمادی کا فقدان پاک فوج کا وقار مجروح کر رہا ہے۔عمران خان ،،عمران خان نے مزید کہا کہ کھٹمنڈو میں ہونے والی ملاقات کا انتظام اسٹیل مل ٹائیکون سجن جندال کی جانب سے کیا گیا جس سے ظاہر ہوتا ہے کہ وزیر اعظم نواز شریف کے نجی اور قومی مفادات میں واضح تصادم موجود ہے۔

Print Friendly, PDF & Email

Comments

comments

یہ بھی پڑھیں