چوہدری نثارنے مشکل وقت میں پیٹھ میں چھراگھونپا، میں اٹل فیصلہ کرچکا ہوں، نواز شریف
The news is by your side.

Advertisement

چوہدری نثارنے مشکل وقت میں پیٹھ میں چھراگھونپا، میں اٹل فیصلہ کرچکا ہوں،نواز شریف

اسلام آباد : نااہل وزیراعظم نواز شریف کا کہنا ہے کہ چوہدری نثارنےمشکل وقت میں پیٹھ میں چھراگھونپا،ن لیگ چوہدری نثار نہیں میری وجہ سے قائم ہے، میں اٹل فیصلہ کرچکا ہوں جبکہ شہباز شریف نے کہا چوہدری نثار کو ایک موقع دینا چاہیے۔

تفصیلات کے مطابق سابق وزیر داخلہ چوہدری نثار کو ن لیگ کی سی ای سی اجلاس میں نہ بلانے کی اندرونی کہانی سامنے آگئی ، ذرائع کا کہنا ہے کہ چوہدری نثار کونواز شریف کی ہدایت پر اجلاس میں نہیں بلایا گیا، شہباز شریف،ایازصادق اورسعد رفیق نےمنانے کی کوشش کی۔

نوازشریف نے جواب میں کہا کہ چوہدری نثار سے سیاسی راستے جدا ہیں، ن لیگ میں انکی جگہ نہیں، چوہدری نثارنے مشکل وقت میں پیٹھ میں چھراگھونپا ، چوہدری نثاربیانیے پر ساتھ دیتے تو اداروں سے مطالبات منواسکتے تھے۔

سپیکرقومی اسمبلی سردار ایاز صادق کا کہنا تھا کہ چوہدری نثار کےمؤقف میں نرمی آئی ہے جبکہ شہباز شریف نے کہا کہ چوہدری نثار کو ایک موقع دینا چاہیے۔

نااہل وزیر اعظم نے کہا کہ مریم کےحوالے سے چوہدری نثار کا بیان قابل قبول نہیں، ن لیگ چوہدری نثار نہیں میری وجہ سے قائم ہے، اعتزاز احسن کی قومی اسمبلی میں تقریر سچ لگ رہی ہے۔

انکا مزید کہنا تھا کہ چوہدری نثار سے متعلق اٹل فیصلہ کرچکا ہوں۔


مزید پڑھیں : شہبازشریف مسلم لیگ(ن) کے قائم مقام صدر اور نوازشریف تاحیات قائد منتخب


یاد رہے کہ  مسلم لیگ ن کی مرکزی مجلس عاملہ کے اجلاس میں شہبازشریف کو مسلم لیگ(ن) کا بلامقابلہ قائم مقام صدر منتخب کرلیا جبکہ نوازشریف کو تاحیات قائد بنانے کی منظوری دیدی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں