The news is by your side.

Advertisement

جیل میں رہ کر بھی کشمیریوں کا درد دل میں رکھتا ہوں، نواز شریف

لاہور : سابق وزیراعظم نواز شریف نے کشمیر زلزلے پر اظہار افسوس کرتے ہوئے وزیراعظم آزادکشمیر اور پارٹی کارکنوں کو بحالی کے کام تیز کرنے کی ہدایت کردی ہے اور کہا جیل میں رہ کر بھی کشمیریوں کا درد دل میں رکھتا ہوں۔

تفصیلات کے مطابق سابق وزیراعظم نواز شریف سے خاندان کے افراد نے کوٹ لکھپت جیل میں ملاقات کی ، ملاقات کرنے والوں میں شہباز شریف، کیپٹن صفدر، والدہ شمیم اختراور دیگر اہل خانہ شامل تھے، انہوں نے دوپہر کا کھانا بھی اکٹھے کھایا۔

ذرائع کے مطابق میاں نواز شریف نے کشمیر زلزلے میں جانی اور مالی نقصان پر اظہار افسوس کرتے ہوئے وزیر اعظم آزاد کشمیر راجہ فاروق حیدر کو ہدایت کی کہ متاثرین کی بحالی کے کام کو تیز کیا جائے۔

نواز شریف کا کہنا تھا کہ زلزلہ قدرتی آفت ہے مصیبت کی گھڑی میں ان کا ساتھ نہیں چھوڑیں گے، جیل میں رہ کر بھی کشمیریوں کا درد دل میں رکھتا ہوں۔

اپوزیشن لیڈر اور مسلم لیگ ن کے صدر شہبازشریف نے 30 ستمبر کی کل جماعتی کانفرنس کے ایجنڈے پرنوازشریف سے ہدایات لیں۔

واضح رہے کہ پارٹی قائدین کی مشاورت کے بعد ہی مولانا فضل الرحمن کے آزادی مارچ میں شرکت کرنے یا نہ کرنے کا حتمی فیصلہ کیا جائے گا، اس حوالے سے ن لیگ کی سنٹرل ایگزیکٹو کمیٹی کااہم اجلاس پیر کے روز لاہور میں طلب کرلیا گیا ہے۔

Comments

comments

یہ بھی پڑھیں