The news is by your side.

Advertisement

نواز شریف نے اسامہ سے رقم وصول کی، سپریم کورٹ جائیں گے، پی ٹی آئی

اسلام آباد: تحریک انصاف نے کہا ہے کہ نواز شریف نے اسامہ بن لادن سے رقم وصول کی، اسامہ بن لادن اور اصغر خان کیس کے حوالے سے جلد سپریم کورٹ جائیں گے، جے آئی ٹی کی کارروائی اور ڈان لیکس کی رپورٹ منظر عام پر لائی جائے۔

عمران خان کی زیر صدارت بنی گالہ میں پارٹی رہنماؤں کا اجلاس منعقد کیا گیا، جس کے اختتام پر پی ٹی آئی کی جانب سے اعلامیہ جاری کیا گیا جس میں کہا گیا ہے کہ پاناما لیکس میں جے آئی ٹی کی کارروائی کھلی رکھی جائے اگر اسے خفیہ رکھنے کی کوشش کی گئی تو یہ کسی صورت قبول نہیں ہوگی۔

اعلامیے میں کہا گیا ہے کہ حکومت ڈان لیکس کی رپورٹ کو فوری منظر عام پر لائے اور اس کے حقیقی ذمہ داروں کو بچانے کی کوشش کرے، اگر اس معاملے میں کسی بے گناہ کو سزا دی گئی تو یہ کسی صورت قابل قبول نہیں ہوگی۔

تحریک انصاف کے مطابق اجلاس میں شرکا نے اسامہ بن لادن سے رقم لینے کے معاملے پر بحث کی جبکہ اصغر خان کیس پر عمل درآمد کے لیے تیارہونے والی درخواست پر چیئرمین کو بریفنگ دی۔

شرکا نے کہا کہ نواز شریف کی جانب سے القاعدہ کے سربراہ اسامہ بن لادن سے رقم وصول کی گئی گئی، اس الزام پر پی ٹی آئی جلد عدالت سے رجوع کرے گی۔

اسامہ سے رقم لینے کا الزام، تحریک انصاف کی قانونی کاروائی مکمل

دریں اثنا اطلاعات ہیں کہ اسامہ سے رقم لینے کے معاملے پر تحریک انصاف نے قانونی مشاورت مکمل کرلی ہے اور پی ٹی آئی جلد سپریم کورٹ سے رجوع کرے گی۔

پارٹی ترجمان فواد چوہدری کا کہنا ہے کہ نواز شریف اسامہ بن لادن سے رقم لے کر جمہوریت پر شب خون مارنے والوں کی معاونت کرتے رہے، وقت آگیا ہے کہ نواز شریف کے بیرونی قوتوں سے مراسم کا سراغ لگایا جائے۔

انہوں نے مزید کہا کہ اسامہ بن لادن سے رقم کی وصولی اور اصغر خان کیس کے حوالے سے جلد سپریم کورٹ جائیں گے۔

Print Friendly, PDF & Email

Comments

comments

یہ بھی پڑھیں