The news is by your side.

Advertisement

نواز شریف ایک اور این آر او کے لئے تیار، ذرائع

اسلام آباد : اڈیالہ جیل میں خفیہ ملاقاتوں کی اندرونی کہانی میں انکشاف ہوا کہ  نوازشریف ایک اوراین آر او کے لئے تیار ہیں  اور یقین دہانی کرائی مجھے جیل سے نکالو، ہم ملک سے باہر چلے جائیں گے۔

تفصیلات کے مطابق ذرائع نے چند روز  کے دوران اڈیالہ جیل میں ہونے والی خفیہ ملاقاتو ں کی اندرونی کہانی بتاتے ہوئے چونکا دینے والا انکشاف کیا کہ  نواز شریف ایک اور این آر او کے لئے تیار  ہوگئے ہیں  اور کہا کہ میں مجھے جلد از جلد جیل سےنکالو۔

ذرائع کا کہنا ہے کہ نوازشریف نے ملاقاتیوں کو  یقین دہانی کرائی ہے کہ جیل سے نکلوائیں، ہم ملک سےباہر چلے جائیں گے۔

ذرائع کے مطابق این آر او کرنے کی ایک بڑی وجہ پاکستان آنے پر مایوس کن استقبال بھی ہے جبکہ شہباز شریف سمیت قیادت کے
ایئرپورٹ نہ پہنچنے پر نواز شریف دلبرداشتہ ہیں۔

گزشتہ روز نوازشریف نے پنجاب اور کے پی گورنر سے خفیہ ملاقاتیں کیں تھیں۔


مزید پڑھیں : اڈیالہ میں نوازشریف کی خفیہ ملاقاتیں


گورنر پنجاب رفیق رجوانہ اور خیبرپختونخواہ کے گورنر ظفر اقبال جھگڑا نے نوازشریف سے ملاقات کے لیے اپنے عہدے کا ناجائز استعمال کیا اور انتظامیہ سے اجازت لیے بغیر اڈیالہ پہنچے۔

دونوں گورنروں سے نوازشریف نے خفیہ طور پر ملاقات کی، جس میں مریم نواز، کپٹن صفدر بھی موجود تھے، آدھے گھنٹے سے زائد وقت تک جاری رہنے والی ملاقات کے بعد رفیق رجوانہ اور اقبال جھگڑا پنجاب ہاؤس واپس چلے گئے تھے۔

خیال رہے کہ نواز شریف کے خلاف ابھی کرپشن کے مزید دومقدمات کا فیصلہ ہونا باقی ہے۔

یاد رہے کہ نوازشریف اس سے  پہلے بھی ایک ڈیل کے ذریعے جیل سے سعودی عرب جانکلے تھے اور  دعوی کیا کہ کوئی معاہدہ نہیں ہوا، جو بعد میں جھوٹا نکلا۔

واضح رہے کہ احتساب عدالت نے رواں ماہ 6 جولائی کو ایون فیلڈ ریفرنس کا فیصلہ سناتے ہوئے نوازشریف کو 11، مریم نوازکو 8 اور کیپٹن ریٹائرڈ صفدر کو ایک سال قید سنائی تھی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں

Comments

comments

یہ بھی پڑھیں