The news is by your side.

Advertisement

وزیراعظم بدھ سے سعودی عرب کا تین روزہ دورہ کریں گے

اسلام آباد: وزیراعظم محمد نوازشریف بدھ سے سعودی عرب کا تین روزہ دورہ کریں گے۔ دفترخارجہ کی جانب سے جاری کردہ تفصیلات کے مطابق وزیراعظم بدھ کو سعودی عرب کے تین روزہ دورے پر روانہ ہونگے۔

نواز شریف یہ دورہ خادم الحرمین الشریفین سلیمان بن عبدالعزیز السعود کی دعوت پر کررہے ہیں۔ جہاں وہ سعودی فرمانروا کے ساتھ ملاقات کے علاوہ نارتھ تھنڈر مشقوں کا مشاہدہ کریں گے۔

سعودی عرب کے شمالی علاقے میں منعقدہ ان مشقوں میں پاکستان سمیت 21 ملکوں کے فوجی شریک ہیں۔ ان مشقوں کا مقصد دہشت گرد گروپوں کی دھمکیوں سے نمٹنے کے لئے تربیت کو بہتر بنانا ہے۔

دفتر خارجہ کا کہنا ہے کہ پاکستان کے سعودی عرب کے ساتھ برادرانہ اور اعتماد پر مبنی قریبی تعلقات ہیں اور دونوں ممالک میں دفاع سمیت کثیر الجہت تعاون ہے۔

 

Print Friendly, PDF & Email

Comments

comments

یہ بھی پڑھیں