The news is by your side.

Advertisement

ہمارے کیس میں کچھ نہ ہونےکے باوجود بھی کچھ نکالا جارہا ہے‘ نوازشریف

اسلام آباد : سابق وزیراعظم نوازشریف کا کہنا ہے کہ پرانے ریفرنس میں کچھ نہ ملا تو نئے ریفرنس کیوں دائرکیے؟، نئے ریفرنس پہلے ریفرنس پرخول چڑھانے کے مترادف ہیں۔

تفصیلات کے مطابق اسلام آباد میں صحافیوں سے غیررسمی گفتگو کرتے ہوئے مسلم لیگ ن کے قائد نوازشریف نے کہا کہ ہمارے کیس میں کچھ نہ ہونےکے باوجود بھی کچھ نکالا جارہا ہے۔

نوازشریف نے کہا کہ صرف میرے والد کے کاروبارکے پیچھے ہی پڑے ہوئے ہیں، حساب لینا ہے تو1937 سے لیں، ہمیں اللہ تعالیٰ نے 1937 سے نوازنا شروع کیا۔

سابق وزیراعظم نوازشریف نے کہا کہ دلیپ کمار کی فلم جیسا حال ہے، فلم میں بیوی کو پیارنہ ملا تواس نے دلیپ کمارکے بیڈروم کوآگ لگا دی، انہوں نے کہا کہ سرکاری خزانے کو نقصان پہنچانے والوں کے کیس نہیں سنے جا رہے۔

نوازشریف نے کہا کہ ہم سے پوچھتے ہیں اثاثے کیسے بنائے؟ کرپشن کا الزام ہم پرلگایا گیا تواسے ثابت بھی کریں، انہوں نے کہا کہ عمران خان نے اعتراف کیا لیکن انہیں کہا گیا آپ ٹھیک ہیں۔

سابق وزیراعظم نے کہا کہ پی ٹی آئی بنی ہی عامرلیاقت جیسے لوگوں کے لیے ہے، عامرلیاقت نے ن لیگ میں شمولیت کی بھی خواہش ظاہرکی تھی۔

دوسری جانب مریم نوازنے کہا کہ پہلے6 ماہ میں کیا ثابت ہوا جواب نئی چیزیں مل گئی ہیں، ہمارے خلاف کیسزمیں کوئی جان نہیں ہے، پہلے کہا گیا کہ فلیٹس مریم کے ہیں بعد میں ملکیت نوازشریف پرڈال دی۔

واضح رہے کہ شریف خاندان کے خلاف احتساب عدالت میں آج جے آئی ٹی سربراہ واجد ضیاء کا بیان دوبارہ ریکارڈ کیا جائے گا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں