نوازشریف اپنےدوستوں کوکبھی نہیں بھولتا،وزیراعظم نوازشریف nawaz-sharif
The news is by your side.

Advertisement

نوازشریف اپنےدوستوں کوکبھی نہیں بھولتا،وزیراعظم نوازشریف

لیہ : وزیراعظم  پاکستان نواز شریف نے کہا ہے کہ میں اپنے دوستوں کو نہیں بھولتا اور آج کا یہ جلسہ 2018 کی نوید سنا رہا ہے اگرکسی کوغلط فہمی ہے تو آکر جلسے کا جوش و جذبہ دیکھ لے۔

وہ لیہ میں ایک جلسہ عام سے خطاب کر رہے تھے انہوں نے کہا کہ آج پاکستان بھر میں لیہ، لیہ ہورہی ہے اور مجھے خود نہیں پتہ کہ اس کامیاب جلسے کا آخری بندہ کتنی دور بیٹھا ہے۔

وزیراعظم نوازشریف نے کہا کہ آج کا جلسہ نوشتہ دیوار ہے اور 2018 کے انتخابات میں مسلم لیگ (ن) کی کامیابی کی نوید سنا رہا ہے اگر یہاں سے مخالفین انتخابات میں حصہ لیں تو ضمانتیں ضبط کروادیں گے۔

انہوں نے کہا کہ مسلم لیگ نے اپنے منشور میں کیے گئے وعدے نبھا دیئے ہیں اور اگلے سال تک لوڈ شیڈنگ کا مکمل خاتمہ کردیں گے جس کے لیے  بھکی پاور پلانٹ کا افتتاح کردیا ہے جب کہ بلوکی پاور پلانٹ کا جلد افتتاح ہوگا جس کے بعد 10 ہزار میگا واٹ بجلی نظام میں شامل کردیں گے  اور پھر بجلی آئے گی تو دوبارہ جائے گی نہیں۔

وزیراعظم نوازشریف نے کہا کہ اپنےدوستوں کوکبھی نہیں بھولتا اس لیے لیہ کے لوگوں کے لیے آج نئے پروگرام لے کر آیا ہوں جس کے تحت لیہ اور تونسہ کوملانے کےلئے پل تعمیر کیا جائے گا جس پر700 کروڑخرچ آئے گا جب کہ چوک اعظم میں گیس فراہم کی جائے گی۔

 

انہوں نے کہا کہ  پاکستان کے دشمن چاہتے ہیں کہ سی پیک ، موٹروے  اور ہیلتھ کارڈز کا اجراء نہ ہواور نہ ہی لوڈشیڈنگ، بیروزگاری کاخاتمہ نہ ہو اور نہ ہمارے مخالفوں نے چار سال میں کبھی کام کی بات کی کیوں کہ ہمارے مخالفوں کا ایجنڈا تخریب کاری اور الزام تراشی ہے۔

Comments

comments

یہ بھی پڑھیں