The news is by your side.

Advertisement

دعا کریں کلثوم نوازکو اللہ تعالیٰ شفا عطا فرمائے‘ نوازشریف

لندن: سابق وزیراعظم نوازشریف کا کہنا ہے کہ دعا کریں کلثوم نواز کو اللہ تعالیٰ شفا عطا فرمائے، جتنے بھی لوگ بیمارہیں اللہ سب کو شفا دے۔

تفصیلات کے مطابق لندن میں سابق وزیراعظم نوازشریف نے میڈیا سے گفتگو کرتے ہوئے کہا کہ کبھی کوئی حکومت برطرف توکبھی وزیراعظم کو نکال دیا جاتا ہے۔

مسلم لیگ ن قائد نوازشریف کا کہنا تھا کہ وزیراعظم پھانسیاں چڑھتے، ہتھکڑیاں لگواتےاورجلاوطن ہوتے رہے، ہم نے کس طرح کا پاکستان بنایا ہے، کس طرح ملک کی تعمیر کی ہے۔

نوازشریف کا کہنا تھا کہ ہم آئندہ نسلوں کو کس طرح کا پاکستان دینے جا رہے ہیں، یہ سب معاملات بہت افسوسناک ہیں ان پر غورہونا چاہیے، یہ سلسلہ بند نہیں ہوا تو پاکستان خدانخواستہ انتشار کا شکار ہوتا رہے گا۔

سابق وزیراعظم نوازشریف کا کہنا تھا کہ کامن ویلتھ میں کوئی عزت نہیں بلکہ دنیا میں بھی وہ عزت اور مقام نہیں جیسا ہونا چاہیے تھا، دنیا میں مقام حاصل کرنے کی طرف بڑھتے ہیں تورکاوٹیں آتی ہیں۔

احتساب عدالت میں استثنیٰ کی درخواست پر کیا فیصلہ ہوگا، معلوم نہیں‘نوازشریف

یاد رہے کہ گزشتہ روز لندن میں میڈیا سے گفتگو کرتے ہوئے مسلم لیگ ن کے قائد نواز شریف کا کہنا تھا کہ وکلاء میری حاضری سے استثنیٰ کی درخواست دائر کریں گے جس کے بعد اجازت ملی تو لندن میں قیام بڑھا دوں گا۔

واضح رہے کہ احتساب عدالت میں سابق وزیراعظم نواز شریف، ان کی صاحبزادی مریم نواز اور داماد کیپٹن ریٹائرڈ صفدر کے خلاف ایون فیلڈ ریفرنس کی سماعت آج ہوگی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں