The news is by your side.

Advertisement

ایٹمی دھماکے، دہشت گردی ختم کرنے والا آج عدالت میں بیٹھا ہے‘ نوازشریف

اسلام آباد : سابق وزیراعظم نوازشریف کا کہنا ہے کہ اقاما کوبنیاد بنا کروزارت عظمیٰ اورپھرپارٹی صدارت سے ہٹایا گیا، اب اسی فیصلےکو بنیاد بنا کرتاحیات نا اہل کرنے کی سوچ رہے ہیں۔

تفصیلات کے مطابق اسلام آباد میں صحافیوں سے غیررسمی گفتگو کرتے ہوئے مسلم لیگ ن کے قائد نوازشریف نے کہا کہ کرپشن ثابت نہ ہونے پربھی ضمنی ریفرنس کا مقصد سوالیہ نشان ہے۔

سابق وزیراعظم نے کہا کہ ملک بھرمیں ہمارے ادوارکے کام سب کے سامنے ہیں، لاہور، کراچی اور پشاور دیکھ لیں، فرق صاف ظاہر ہے،2013 اورآج کی معیشت میں زمین آسمان کا فرق ہے۔

مسلم لیگ ن کے نوازشریف نے کہا کہ ہرشعبے میں فرق صاف نظرآ رہا ہے، ڈالرکی قیمت2013 کے بعد کیا تھی، مجھے نااہل کرنے کے بعد کہاں گئی۔

سابق وزیراعظم نے کہا کہ بلوچستان اسمبلی میں تبدیلی کی ضرورت کیوں پیش آئی، قوم جاننا چاہتی ہے، انہوں نے پاکستان تحریک انصاف کے سربراہ پر تنقید کرتے ہوئے کہا کہ تبدیلی آگئی ہے، عمران خان اب گلیوں محلوں میں جلسے کرتے ہیں۔


شیخ رشید نے آئین توڑنے کاعندیہ دے دیا ہے‘ کیپٹن صفدر


پیپلزپارٹی کے حوالے سے نوازشریف نے کہا کہ پی پی کے حالیہ کردارکی وجہ سے بہت مایوس ہوا، اس کردارکے بعد نگراں وزیراعظم پرپی پی سے مشاورت نہیں ہوسکتی۔

نوازشریف نے کہا کہ بلاول غلط کہتے ہیں کہ ن لیگ میثاق جمہوریت سے پیچھے ہٹی، میثاق جمہوریت کے بعد جواین آر او کیا گیا اس نے نقصان پہنچایا۔

انہوں نے کہا کہ آئین کی بالادستی کے لیے سب کے ساتھ بیٹھنے کے لیے تیارہیں، سب کو اپنی آئینی ذمہ داریاں پوری کرنا ہوں گی۔

مسلم لیگ ن کے قائد نے کہا کہ کارکردگی کے باوجود نام ای سی ایل میں ڈالنے کی سفارش کی جاتی ہے، میرا تو کیس ادارے سے کچھ لینا دینا نہیں ہے اور یہ سارا معاملہ ہی کالا لگتا ہے۔

سابق وزیراعظم نوازشریف نے کہا کہ ایٹمی دھماکے، دہشت گردی ختم کرنے والا آج عدالت میں بیٹھا ہے، عوام نے نہ یہ فیصلہ مانا اورنہ ہی مانے گی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں