The news is by your side.

Advertisement

پاناما کیسزکی وجہ سے ملک میں غیریقینی کی صورت حال ہے‘ نوازشریف

اسلام آباد : مسلم لیگ ن کے قائد نوازشریف کا کہنا ہے کہ پاناما فیصلے کی وجہ سے ترقی کرتا پاکستان تنزلی کی طرف جا رہا ہے، روپے کی قیمت نیچے گر گئی،غیریقینی صورت حال کی وجہ سے ایسا ہوا۔

تفصیلات کے مطابق اسلام آباد میں احتساب عدالت کے باہرمیڈیا سے گفتگو کرتے ہوئے سابق وزیراعظم نوازشریف نے کہا کہ بجلی کی پیداوارمیں اضافہ ہوا، ملکی معیشت آگے بڑھ رہی ہے۔

نوازشریف کا کہنا تھا کہ لوڈ شیڈنگ کاجوازنہیں، بجلی کی طلب میں اضافہ ہوا ہے، پچھلے چارسال ترقی کی رفتارتیز رہی ہے، سیمنٹ کے پلانٹ کی استعداد بڑھائی جارہی ہے جبکہ اسٹیل کی صنعت بھی ترقی کر رہی ہے۔

سابق وزیراعظم کا کہنا تھا کہ پاناما فیصلے کی وجہ سے ترقی کرتا پاکستان تنزلی کی طرف جا رہا ہے، روپے کی قدرمیں کمی سے ملکی قرضےکھربوں روپے بڑھ گئے، ملکی قرضوں میں اضافہ بہت افسوس ناک ہے۔

مسلم لیگ ن کے قائد نوازشریف کا کہنا تھا کہ اللہ تعالیٰ کا شکرہے نیوائیر پورٹ اسلام آباد کا منصوبہ کامیابی سے مکمل ہوگیا۔

نوازشریف سے صحافی نے سوال کیا کہ آپ لائیو ٹیلی کاسٹ کےلیے درخواست کیوں نہیں دیتے؟ جس پر انہوں نے جواب دیا کہ وکلا سے درخواست سےمتعلق مشاورت کروں گا۔

نگراں حکومت کے حوالے سے سابق وزیراعظم نوازشریف کا کہنا تھا کہ وزیراعظم شاہد خاقان عباسی سے نگران سیٹ اپ پرمشاورت ہوئی ہے، اس سے زیادہ نہیں بتا سکتا۔

صحافی نے مسلم لیگ ن کے قائد نوازشریف سے سوال کیا کہ چوہدری نثارکی طبیعت خراب ہے آپ عیادت کے لیے جائیں گے جس پر نوازشریف کے جواب کے بجائے صرف مسکرائے۔

دوسری جانب نوازشریف کی صاحبزادی مریم نواز نے احتساب عدالت کے باہر میڈیا سے غیررسمی گفتگو کرتے ہوئے کہا کہ واجد ضیاء نے جو بولنا تھا، وہ بول چکے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں