اسلام آباد : سابق وزیراعظم نوازشریف کا کہنا ہے کہ ضمنی انتخابات میں اعتماد پرپاکستان کےعوام کا مشکورہوں۔
تفصیلات کے مطابق احتساب عدالت کے باہرمیڈیا سے گفتگو کرتے ہوئے نوازشریف نے کہا کہ ضمنی انتخابات میں ہماری توقعات سے بڑھ کرنشستیں ملیں۔
انہوں نے کہا کہ پہلے60 دنوں میں ضمنی انتخابات میں ایسا نتیجہ پہلی بار آیا، ضمنی انتخابات میں پیغام مل گیا کہ آنے والا وقت کیسا آرہا ہے۔
سابق وزیراعظم نے کہا کہ جب ہماری حکومت تھی دل وجان سے محنت کی اورکام کیا، ہماری حکومت میں ڈالرایک ہی جگہ پرکھڑا رہا۔
نوازشریف نے کہا کہ ڈالرکی قیمت عوام کے سامنے ہے، مہنگائی کی صورت حال بھی دیکھ لیں، ہمارے دورمیں مہنگائی نہیں تھی عوام خوش تھے۔
انہوں نے کہا کہ ڈالرکی قیمت بڑھنا موجودہ حکومت کا کارنامہ ہے، نئی حکومت کو50،55 دن ہوئے ہیں اورصورت حال دیکھ لیں۔
سابق وزیراعطم نوازشریف نے کہا کہ محنت اورجانفشانی سے بطوروزیراعظم کام کیا جس کا عجیب صلہ مل رہا ہے۔
ضمنی انتخابات 2018: نتائج مکمل، پی ٹی آئی اورمسلم لیگ ن چارچارنشستوں پر کامیاب
واضح رہے کہ ضمنی الیکشن میں پاکستان تحریک انصاف اور مسلم لیگ ن نے قومی اسمبلی کی 11 نشستوں میں سے 4،4 نشستوں پر کامیابی حاصل کی ہے۔
