site
stats
پاکستان

نواز شریف کے وطن واپسی کے پروگرام میں پھر تبدیلی

اسلام آباد : سابق وزیراعظم نواز شریف کی وطن واپسی کے پروگرام میں پھر تبدیلی آگئی ، اب وہ چھبیس اکتوبرکو پاکستان آئیں گے۔

تفسیلات کے مطابق سابق وزیراعظم نوازشریف کی وطن واپسی کا شیڈول پھر تبدیل ہوگیا،نواز شریف 24 اکتوبر کے بجائے 26 اکتوبر کو پاکستان پہنچیں گے۔

ذرائع کے مطابق نواز شریف کو لندن سے پی آئی اے کی پرواز سے لاہور روانہ ہونا تھا تاہم سعودی عرب میں بیک چینل رابطوں کی بحالی پر شیڈول میں تبدیلی کردی گئی اور نواز شریف وطن آتے آتے لندن سے سعودی عرب پہنچ گئے تھے، جہاں وہ جدہ میں اہم ملاقاتوں کے ساتھ ساتھ سیاسی فضا اپنے حق میں کرنے کی کوشش کریں گے۔

نواز شریف عمرہ کی ادائیگی اور والدہ سے ملاقات کے بعد پاکستان پہنچیں گے۔

ن لیگ کے وزیر طارق فضل چوہدری کا کہنا ہے کہ نواز شریف چھبیس اکتوبر کو عدالت پیش ہوں گے۔


مزید پڑھیں : نوازشریف 22 کےبجائے24اکتوبر وطن واپس پہنچیں گے


یاد رہے کہ اس سے قبل سابق وزیراعظم کو 22 اکتوبر کو وطن واپس آیا تھا تاہم شیڈول میں تبدیلی کرتے ہوئے 24 اکتوبر کو پاکستان آنے کا فیصلہ کیا گیا تھا ۔

خیال رہے کہ نوازشریف پر تینوں ریفرنسز ایون فیلڈریفرنس، عزیزیہ اسٹیل ریفرنس اورفلیگ شپ ریفرنس میں فردِ جرم عائد ہوچکی ہے جبکہ انکے نمائندے کی جانب سے صحت جرم سے انکار کیا گیا ہے جبکہ احتساب عدالت نے نواز شریف کو 26 اکتوبر کو طلب کر رکھا ہے۔

سابق وزیراعظم نواز شریف نے فرد جرم عائد ہونے پر برہمی کا اظہار کرتے ہوئے کہا تھا کلہ یہ انصاف ہورہا ہے یا انصاف کا خون، غیرموجودگی میں فردِجرم عائد کرنے کی کوئی نظیر نہیں ملتی، 25اکتوبر کے بعد وطن واپسی کا ارادہ ہے، عدالتوں کا سامنا پہلے بھی کیا اب بھی کریں گے۔


مزید پڑھیں : نااہل وزیراعظم نوازشریف لندن روانہ


واضح رہے کہ نواز شریف اپنی اہلیہ کلثوم نواز کی عیادت کیلئے 5 اکتوبر کو لندن روانہ ہوئے تھے، ان کی ٹکٹ پرواپسی کی تاریخ چارجنوری دو ہزاراٹھارہ لکھی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top