نوازشریف کو میڈیکل رپورٹس کی روشنی میں جیل منتقل کیا گیا، ترجمان وزیراعلیٰ پنجاب -
The news is by your side.

Advertisement

نوازشریف کو میڈیکل رپورٹس کی روشنی میں جیل منتقل کیا گیا، ترجمان وزیراعلیٰ پنجاب

لاہور: وزیراعلیٰ پنجاب کے ترجمان ڈاکٹر شہباز گل نے کہا ہے کہ میڈیکل بورڈ کی سفارش پر نوازشریف کو اسپتال سے جیل منتقل کیا گیا۔

تفصیلات کے مطابق وزیراعلیٰ پنجاب عثمان بزدار کے ترجمان ڈاکٹر شہباز گل نے نوازشریف کی جیل منتقلی کے حوالے سے پھیلائے جانے والے مسلم لیگ ن کے تاثر پر ردعمل دیتے ہوئے ویڈیو پیغام جاری کیا۔

ترجمان وزیر اعلیٰ پنجاب کا کہنا تھا کہ نوازشریف کو میڈیکل بورڈ کی رپورٹ کی روشنی میں جیل منتقل کیا گیا، جس میں واضح لکھا گیا کہ نوازشریف کو مزید اسپتال میں نہ رکھا جائے۔

شہباز گل کا کہنا تھا کہ ڈاکٹرزکےبورڈکی جانب سےفیصلہ کیاگیانوازشریف کو اسپتال ڈسچارج کیاجائے تاہم اُن کا جیل میں مکمل چیک اپ کیا جائے گا اور پی آئی سی سے ڈاکٹرز کی ٹیم اُن کا معمول کے مطابق معائنہ بھی کرتی رہے گی۔

مزید پڑھیں : سروسز اسپتال میں زیر علاج نواز شریف جیل جانے پربضد

ڈاکٹر شہباز گل کا کہنا تھا کہ مسلم لیگ ن تاثر دینے کی کوشش کررہی ہے کہ نوازشریف مرضی سےجیل واپس جارہےہیں، یہ بات سراسر غلط ہے کیونکہ حکومت پنجاب نے ڈاکٹرز کی رپورٹ پر انہیں منتقل کرنے کا فیصلہ کیا۔

واضح رہے گذشتہ ہفتے نواز شریف کو طبیعت ناسازی کے بعد سروسز اسپتال منتقل کیا گیا تھا، جہاں میڈیکل بورڈ کی سفارش پر اُن کے شوگر اور بلڈ پریشر کے ٹیسٹ کئے گئے تھے، نواز شریف کے ایک گھنٹے تک سٹی اسکین اور الٹراساؤنڈ سمیت دیگر ٹیسٹ کیے گئے اور انھیں طبی معائنے کے بعد نیو او پی ڈی سے وی وی آئی پی بلاک پہنچادیا گیا تھا۔

بعد ازاں میڈیکل بورڈ نے تمام رپورٹس محکمہ داخلہ کو بھجوا دی تھیں، جس میں بتایا گیا تھا کہ سی ٹی اسکین میں نواز شریف کے جسم کی شریانوں میں تنگی سامنے آئی جبکہ بلڈ پریشر، شوگر، گردوں کا مسئلہ موجود ہے، میڈیکل بورڈ نے دل کے اسپتال منتقل کرنے کی سفارش بھی کی تھی۔

میڈیکل بورڈکےسربراہ پروفیسرمحمودایاز کا کہنا تھا کہ نوازشریف کی زیادہ تربیماریوں کاعلاج پاکستان میں موجودہے، انہیں اسپتال یا کہیں اور شفٹ کرنے کا حتمی فیصلہ محکمہ داخلہ کا اختیار ہے۔

یہ بھی پڑھیں: ہمیں رحم کی بھیک نہیں چاہیے، مریم نواز

یہ بات بھی سامنے آئی تھی کہ نوازشریف نے پی آئی سی اسپتال جانے سے انکار کرتے ہوئے جیل جانے کی خواہش کا اظہار کیا تھا جس پر محکمہ داخلہ پنجاب نے انہیں کوٹ لکھپت جیل منتقل کردیا۔

نوازشریف کو آج سروسز اسپتال سے کوٹ لکھپت جیل منتقل کیا، اس موقع پر اُن کی صاحبزادی مریم نواز اور مسلم لیگ ن کے کارکنان اسپتال کے باہر موجود تھے۔

Comments

comments

یہ بھی پڑھیں