The news is by your side.

Advertisement

عوام کی نسلوں کے لیے لڑ رہا ہوں، 25 جولائی کو دھاندلی نہیں ہونے دیں گے: نواز شریف

گذشتہ 70 سال سے زیادتی وظلم ہورہا ہے، یہ آگے نہیں چل سکتا

منڈی بہاؤالدین: سابق وزیر اعظم میاں نواز شریف نے کہا ہے کہ 70 سال سے زیادتی وظلم ہورہا ہے، یہ آگے نہیں چل سکتا.

ان خیالات کا اظہار انھوں نے منڈی بہاؤالدین میں جلسے سے خطاب کرتے ہوئے کیا. نواز شریف کا کہنا تھا کہ عوام کی حکمرانی ملک میں بحال ہوگی ہے، اپنی ذات کے لیے نہیں، عوام کی نسلوں کے لئے لڑرہا ہوں.

سابق وزیر اعظم نے کہا کہ میں 92 پیشیاں بھگت چکا ہوں، یہ پیشیاں آپ کے لئے بھگت رہا ہوں، عوام کے لیے کی جانے والی جدوجہد کو نہیں چھوڑ سکتا.

میاں نواز شریف کا کہنا تھا کہ اب ملک میں عوام کی حکمرانی اور ووٹ کی عزت ہوگی، 25 جولائی کو دھاندلی نہیں ہونے دیں گے، ہرپولنگ اسٹیشن پرآپ کو پہرا دینا ہے، جس نے دھاندلی کی کوشش کی، اس سے حساب لیں گے.

انھوں نے کہا کہ دشمنوں کی خواہش ہے کہ میں جیل میں چلا جاؤں، جو دھاندلی کرے گا اسے سزا ملے گی، نوازشریف جووعدہ کرتا ہے وہ پوراکرتا ہے، میں جہاں بھی ہوں میری آواز آپ تک پہنچے گی.

انھوں‌ نے کہا کہ ووٹ کوعزت دینے کے لئے میرا ساتھ آخری دم تک دینا ہے، چند لوگ ملک کے مقدر کا فیصلہ کرتے رہے ہیں، اب ایسا نہیں ہوگا.

انھوں نے عوام کو مخاطب کرتے ہوئے کہا کہ میرا اور آپ کا بہت پرانا رشتہ ہے، رشتےاور مزید مضبوط کرنے آیا ہوں، یہ ریفرنڈم والا جلسہ ہے، انقلاب اور تبدیلی کا پیش خیمہ ہے، منڈی بہاؤالدین سے ایک تحریک جنم لے رہی ہے.


ایک شخص کس طرح قانون اورآئین سےبالاترہوسکتا ہے‘ نوازشریف


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں