جڑانوالہ:سابق وزیر اعظم میاں نواز شریف نے کہا ہے کہ آج کل سپریم کورٹ میں تمام مقدمات میرے خلاف لگے ہوئے ہیں۔ یہ زندگی بھرکے لئے نااہل کردیں پھربھی عوام سے رشتہ نہیں ٹوٹے گا۔
ان خیالات کا اظہار سابق نااہل وزیر اعظم میاں محمد نواز شریف نے جڑانوالہ میں عوامی جلسے سے خطاب کرتے ہوئے کیا۔
میاں نواز شریف نے کہا کہ ججز کے فیصلے کو قوم مسترد کردے گی، یہ کون ہیں، جومجھے آپ سے جدا کریں۔ ان کا کہنا تھا کہ جڑانوالہ کا فیصلہ ہے کہ ہم ججز کا فیصلہ نہیں مانتے۔
انھوں نے مخالفین پر کڑی تنقید کرتے ہوئے کہا کہ واہ، اب عمران خان صادق اورامین ہیں، طاہرالقادری ہماری حکومت ہٹانے آئے ہیں، وہ تو ایک تار سے ڈر جاتے ہیں۔ لاہورمیں خالی کرسیوں کا جم غفیر تھا، یہاں شیروں کاجم غفیرہے، لاہور کے جلسے اور جڑانوالہ کے شیروں کا کوئی مقابلہ نہیں۔
انھوں نے سوال کیا کہ کیا کہ بیٹے سے تنخواہ نہ لینا باپ کا جرم ہوتا ہے؟ بیٹے سے تنخواہ نہیں لی اورنااہل کر دیا گیا، مجھے کہا گیا کہ گھر چلے جاؤ، چار سال مشکل سے ہوئے تھے اور مجھے نکال دیا گیا۔
میاں نواز شریف نے کہا کہ آج پھر پاکستان میں ڈرون حملے شروع ہوگئے ہیں، ہم نے اوباما کو کہا کہ پاکستان ایک خودمختارملک ہے ڈرون حملےبند کریں۔ پاکستان پھرانتشارکا شکارہونے جارہا ہے، آج پھرمہنگائی بڑھنا شروع ہوگئی ہے، آج پھرپاکستان کومیلی نظروں سے دیکھا جارہا ہے۔
انھوں نے عدلیہ کے فیصلوں پر سوال اٹھاتے ہوئے کہا کہ اسمبلی میں مجھےعوام نے وزیراعظم بنایا، کیا مجھے کوئی اورنکال سکتا ہے، قوم خود نوٹس لے گی اور سارے فیصلے مسترد کردے گی، تحریک عدل کو یقینی بنائیں گے، یہ تحریک کامیاب ہوگی، تاکہ دادا کے مقدمے میں پوتے نہ پیش ہوں۔
سابق وزیراعظم کا کہنا تھا کہ میں جب بھی کوئی وعدہ کرتا ہو، تو پورا کرتا ہو، آج گھروں میں بجلی آرہی ہے، موٹروے،ملتان، اسلام آباد،پشاور اور کراچی جارہی ہے۔
ن لیگ کے کارکنان تیار ہو جائیں، ملک بھر میں جلسے جلوس کریں گے، نواز شریف
سابق وزیر اعظم کا کہنا تھا کہ پرویزمشرف نے پاکستان کاستیاناس کردیا تھا، ہم نے آکر پاکستان کو سنبھالا۔ نوازشریف نے پاکستان کوترقی دی تو اسے نااہل کردیا۔
ان کا کہنا تھا کہ خیبرپختون خواہ کےلوگوں سے پوچھا جائے، انھوں نے تمہارے لیے کیا کیا؟ا ن لوگوں نے جھوٹ اورالزام تراشی کےعلاوہ کچھ نہیں کیا۔ ہم نے تہیہ کیا ہے کہ سب کو باعزت روزگار ملے گا، پاکستان میں جتنے لوگ بےگھر ہیں انہیں رہنےکوچھت اپنا گھر ملے گا۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
