site
stats
پاکستان

نااہل وزیراعظم نواز شریف کا وطن واپسی کا فیصلہ

اسلام آباد : سابق وزیراعظم نواز شریف کے وطن واپسی کا پروگرام ایک بار پھر تبدیل ہوگیا، نواز شریف اب 29 اکتوبر کو لاہور پہنچیں گے۔

تفصیلات کے مطابق نااہل وزیراعظم نواز شریف نے وطن واپسی کا فیصلہ کرلیا ہے، نواز شریف 29اکتوبر کو لاہور پہنچیں گے اور 2نومبر کو اسلام آباد جائیں گے جبکہ  3اور 7نومبرکواحتساب عدالت میں پیش ہونگے۔

اس سے قبل سابق وزیراعظم نوازشریف نے وطن واپسی کے شیڈول میں تیسری بار تبدیلی کرتے ہوئے 7 جنوری کو ٹکٹ کرائی تھی، نوازشریف کو پی آئی اے کی پرواز پی کے 758 سے 7جنوری کو لاہور پہنچنا تھا جبکہ نواز شریف کی سیٹ کا نمبر 5 اے تھا۔

خیال رہے کہ نوازشریف کی وطن واپسی سے متعلق متضاد اطلاعات تھیں، نواز شریف کے صاحبزادے حسن نواز کا کہنا تھا کہ نواز شریف سعودی عرب سے پاکستان جائیں گے، نوازشریف پاکستان جانے کے لئے ہی یہاں سے گئے ہیں، ان کا سعودی عرب جانے کا مقصد والدہ سے ملنا تھا۔


مزید پڑھیں : نواز شریف کے وطن واپسی کے شیڈول میں تیسری بار تبدیلی


تاہم مسلم لیگ (ن) کے ذرائع نے نواز شریف کی وطن واپسی کی خبروں کی تردید کردی تھی۔

یاد نواز شریف کو 24 اکتوبر کو لندن سے پی آئی اے کی پرواز سے لاہور آنا تھا تاہم سعودی عرب میں بیک چینل رابطوں کی بحالی پر شیڈول میں تبدیلی کردی گئی اور نواز شریف وطن آتے آتے لندن سے سعودی عرب پہنچ گئے تھے، جہاں انھوں نے عمرہ کی ادائیگی کی اور والدہ سے ملاقات کی اور اہلیہ کی طبیعت ناساز ہونے کے باعث واپس لندن چلے گئے تھے۔

گزشتہ سماعت میں احتساب عدالت نے نااہل وزیراعظم نوازشریف کی حاضری سے استثنیٰ کی درخواست کو مسترد کرتے ہوئے2 ریفرنسز میں قابل ضمانت وارنٹ جاری کئے تھے اور3نومبر کو طلب کرلیا تھا۔


مزید پڑھیں : نااہل وزیراعظم نوازشریف لندن روانہ


واضح رہے کہ نواز شریف اپنی اہلیہ کلثوم نواز کی عیادت کیلئے 5 اکتوبر کو لندن روانہ ہوئے تھے، ان کی ٹکٹ پرواپسی کی تاریخ چارجنوری دو ہزاراٹھارہ لکھی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top