The news is by your side.

Advertisement

برطانیہ میں علاج کیلئے جانیوالے نوازشریف کے لندن میں سیر سپاٹے، ویڈیو منظرعام پر آگئی

لندن :برطانیہ میں علاج کیلئے جانیوالے نواز شریف کی لندن میں سیر سپاٹے کی ویڈیو منظرعام پر آگئی، نوازشریف نے بیٹوں کےہمراہ فیکٹری کا دورہ کیا۔

تفصیلات کے مطابق برطانیہ میں علاج کیلئے جانیوالے نواز شریف اسپتالوں کے بجائے فیکٹریوں کے دورے کرنے لگے ، ،نوازشریف نے بیٹوں کے ہمراہ نیلسن میں فیکٹری کا دورہ کیا۔

جہاں انھوں نے فیکٹری کامعائنہ کیا،اس موقع پر انہیں بریفنگ بھی دی گئی، نوازشریف کےہمراہ اسحاق ڈار بھی فیکٹری کے معائنے کیلئے گئے، فیکٹری لندن سے 255 میل دور نیلسن کےعلاقے میں قائم ہے۔

فیکٹری کے دورے پر شریف فیملی نے اپنے مؤقف میں کہا ہے کہ نوازشریف دوست کی دعوت پرلنچ کیلئے گئے تھے۔

گذشتہ روزسابق وزیراعظم نواز شریف کی تازہ میڈیکل رپورٹس سامنے آئیں تھیں ، جس میں ڈاکٹر نے نواز شریف کو مکمل ٹھیک نہ ہونے تک سفر نہ کرنے کی تجویز دیتے ہوئے کہا تھا بغیر علاج واپس جا کر قید کاٹنا اور بیوی کے انتقال کا صدمہ دل کا مرض بڑھاسکتی ہے۔

رپورٹ میں کہا گیا تھا کہ کورونا کی موجودہ صورتحال کے پیش نظر انھیں ہر گز سفر نہیں کرنا چاہیے اور ایئرپورٹ،عوامی مقامات پر ہرگز نہ جائیں اور جب تک نواز شریف کی کارنری انجنیو مکمل نہ ہو، اسپتال سے دور نہ جائیں، کورونا اورمختلف امراض کی وجہ سے نواز شریف کی زندگی کو خطرات ہیں۔

Comments

یہ بھی پڑھیں