The news is by your side.

Advertisement

نوازشریف اورمریم نوازوطن واپسی کے لیے لندن سے روانہ

لندن : سابق وزیراعظم نوازشریف اور ان کی صاحبزادی مریم نواز  لندن سے وطن واپسی کے لیے روانہ ہو گئے، مسلم لیگ ن کے قائد اور اُن کی بیٹی کل احتساب عدالت میں پیش ہوں گے۔

تفصیلات کے مطابق سماجی رابطے کی ویب سائٹ ٹویٹر پر سابق وزیراعظم کی صاحبزادی مریم نواز نے اپنے پیغام کہا کہ ہیتھروایئرپورٹ سے کچھ دیرمیں اسلام آباد کے لیے روانہ ہوں گے۔ مسلم لیگ ن کی رہنما مریم نواز کا کہنا ہےکہ صبح عدالت میں پیش ہونے کے لیے اسلام آباد پہنچ جائیں گے۔

خیال رہے کہ گزشتہ روز مریم نواز نے سماجی رابطے کی ویب سائٹ ٹویٹر پر اپنے پیغام میں کہا تھا کہ مائی لارڈ! دہشت گردی پرکاری ضرب لگانے والے کی سیکورٹی چھین لو، دہشت گردی کی آنکھوں میں آنکھیں ڈالنے والے وزیراعظم کی سیکیورٹی چھین لو لیکن خدانخواستہ اُسے کچھ ہوا تو ذمہ دار صرف آپ ہوں گے۔

اظہاررائے پر پابندی لگائی جارہی ہے، آئندہ الیکشن ریفرنڈم ثابت ہوگا‘ نواز شریف

یاد رہے کہ گزشتہ روز لندن میں سابق وزیر اعظم میاں‌ نواز شریف کا کہنا تھا کہ پاکستان میں اظہار رائے پر پابندی لگائی جارہی ہے، آئندہ الیکشن ریفرنڈم ہوگا۔

واضح رہے کہ 20 اپریل کو احتساب عدالت نے نواز شریف اور مریم نواز کی 7 دن کے لیے حاضری سے استثنیٰ کی درخواست مسترد کردی تھی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں