The news is by your side.

Advertisement

نوازشریف کی میڈیکل رپورٹس اور رانا شمیم کا بیان نوٹرائز کرنے والا ایک ہی شخص نکلا

اسلام آباد : نواز شریف کی میڈیکل رپورٹس اور راناشمیم کا بیان نوٹرائز کرنے والا ایک ہی شخص نکلا ، راناشمیم کا ثاقب نثار سے متعلق بیان حلفی اور میڈیکل رپورٹس چارلس ڈراسٹن نے نوٹرائز کی تھی۔

تفصیلات کے مطابق سابق چیف جسٹس گلگت بلتستان کے حلف نامے سے متعلق ایک اور انکشاف سامنے آیا ، نواز شریف کی میڈیکل رپورٹس اور راناشمیم کا بیان نوٹرائز کرنے والا ایک ہی نکلا۔

نوازشریف کو میڈیکل رپورٹ نوٹرائز کرنیوالے نے ہی راناشمیم کا بیان حلفی نوٹرائزکیا ، برطانیہ سے حکومت کوبھیجی گئی میڈیکل رپورٹس چارلس ڈراسٹن نے نوٹرائزکی تھی جبکہ رانا شمیم کا ثاقب نثارسے متعلق بیان حلفی بھی چارلس ڈراسٹن نے نوٹرائز کیا۔

دوسری جانب چارلس ڈراسٹن نے اے آر وائی نیوز سے گفتگو کرتے ہوئے کہا کہ میرا وہی کام ہے جو کسی نوٹری پبلک کا ہوتاہے،راناشمیم نے جوکہا وہ بیان نوٹرائز کیا،راناشمیم کاحلف نامہ سچ ہے یا جھوٹ ،ہماراکام نہیں۔

اس حوالے سے وزیر مملکت فرخ حبیب نے اے آر وائی نیوز سے گفتگو  میں کہا کہ و اضح کےعدلیہ کےخلاف سازش کی گئی ہے، مریم نوازکےمعاملےکی سماعت ہونےوالی ہے، ایک جج کانام لےکرالزام لگایاگیا۔

وزیرمملکت  کا کہنا تھا کہ جب بھی کبھی عدلیہ کےخلاف معاملہ ہون لیگ سامنے آجاتی ہے، موجودہ کیس میں یہ راناشمیم کو سامنے لے آئے ہیں، مریم نواز، رانا شمیم جیسے کرداروں کو استعمال کرتی ہیں۔

فرخ حبیب نے مزید کہا عدالت کہہ چکی ہےکہ وہ کیس کافیصلہ کرناچاہتی ہے، سپریم کورٹ اور اداروں پر حملہ کرنان لیگ کی تاریخ ہے ، سوائے قطری خط انھوں نے عدالت میں کچھ جمع نہیں کرایاتھا۔

Comments

یہ بھی پڑھیں