The news is by your side.

Advertisement

نواز شریف کے پلیٹ لیٹس پھر گر گئے ، حالت انتہائی تشویشناک

لاہور : سابق وزیراعظم نواز شریف کے ایک بار پھر پلیٹ لیٹس گر گئے ، جس کے باعث ان کی حالت انتہائی تشویشناک ہے جبکہ شریف میڈیکل سٹی کے میڈیکل بورڈ کا ہنگامی اجلاس جاری ہے۔

تفصیلات کے مطابق مسلم لیگ ن کی ترجمان مریم اورنگزیب نے کہا ہے کہ نوازشریف کے پلیٹ لیٹس گر گئے ہیں اور ان کی حالت انتہائی تشویشناک ہے، بار بار پلیٹ لیٹس کم ہونےکی وجہ معلوم نہیں ہورہی۔

مریم اورنگزیب کا کہنا تھا کہ نوازشریف کےعلاج کے لئے دستیاب سہولتیں استعمال کی جا رہی ہیں جبکہ شریف میڈیکل سٹی کے میڈیکل بورڈ کا ہنگامی اجلاس جاری ہے۔

مزید پڑھیں : نواز شریف اور مریم نواز جاتی امرا پہنچ گئے

یاد رہے گذشتہ روز سابق وزیراعظم نوازشریف کو سروسز اسپتال سے ڈسچارج کردیا گیا تھا ، جس کے بعد انھیں شریف میڈیکل کمپلیکس منتقل کرنا تھا تاہم انھیں جاتی امرا پہنچا دیا گیا تھا، جہاں ان کیلئے ڈاکٹر عدنان کی زیرنگرانی انتہائی نگہداشت یونٹ قائم کیاگیا ، جس میں وینٹی لیٹر اورکارڈیک کی سہولیات موجود ہیں۔

مسلم لیگ ن کی ترجمان مریم اورنگزیب نے نوازشریف کی صحت سے متعلق بیان میں کہا تھا کہ جاتی امرامیں نواز شریف اپنے گھر پر علاج کرائیں گے۔

دوسری جانب میڈیکل بورڈ کے سربراہ پروفیسر محمود ایاز کا کہنا تھا کہ میاں نواز شریف کی حالت پہلے سے بہتر ہے ، طبیعت بہتر ہونے پر ہی اسپتال سے اجازت دی گئی، نواز شریف کوروانگی پر تمام رپورٹس، ڈسچارج سلپ فراہم کردیں ہیں۔

fb-share-icon0
Tweet 20

Comments

comments

یہ بھی پڑھیں