بالی ووڈ کے معروف اداکار نواز الدین صدیقی کو شاہ رخ خان کے بارے میں بیان دینا مہنگا پڑ گیا۔
بھارتی میڈیا رپورٹس کے مطابق اداکار نواز الدین صدیقی سے حالیہ انٹرویو کے دوران سوال پوچھا گیا کہ کیا آپ نے اپنے بارے میں کبھی یہ بات سنی ہے کہ آپ کے ہر فلم میں ایک ہی جیسے کردار ہوتے ہیں۔
نواز الدین صدیقی نے کہا کہ ’میں اتنا ضدی شخص ہوں کہ کبھی اپنے آپ کو ایسے ایک جیسے کردار کرنے ہی نہیں دوں گا۔‘
اداکار نے شاہ رخ خان کے مشہور انداز میں پوز دیتے ہوئے کہا کہ ’یہ ٹائپ کاسٹ والے ہیرو ہوتے ہیں اور وہ 35 سال تک ایک ہی جیسی چیزیں کرتے رہتے ہیں۔‘
نواز الدین کا یہ ویڈیو کلپ سوشل میڈیا پر وائرل ہوگیا جس پر انہیں صارفین کی جانب سے تنقید کا نشانہ بنایا جارہا ہے۔
Nawaz ko kis chiz Ka itna arrogant hai khud kon si versatile hai https://t.co/Gwe26OiT71
— terehawale (@kesariyaisq) August 27, 2023
اداکار کو آڑے ہاتھوں لیتے ہوئے شاہ رُخ خان کے مداحوں نے کہا کہ نواز کو کوئی دیکھنا بھی پسند نہیں کرتا اور اس کی تمام فلمیں بھی فلاپ ہی ہوئی ہیں۔
ایک صارف نے کہا کہ نواز کو نہ جانے کس بات کا غرور ہے شاہ رُخ خان کو انڈسٹری میں برسوں ہوگئے ہیں جب نواز اداکاری بھی نہیں جانتا تھا۔