The news is by your side.

Advertisement

نیا پاکستان ہاؤسنگ منصوبے سے تعمیراتی صنعتوں کو فروغ ملے گا، وزیر اعظم عمران خان

اسلام آباد : وزیر اعظم عمران خان نے کہا ہے کہ نیا پاکستان ہاؤسنگ منصوبے سے تعمیرات سے وابستہ صنعتوں کو بھی فروغ ملے گا، نوجوانوں اور ہنرمندوں کو نوکریوں کے مواقع میسر آئیں گے۔

ان خیالات کا اظہار انہوں نے نیا پاکستان ہاؤسنگ منصوبے پر پیشرفت اجلاس سے خطاب کرتے ہوئے کیا۔ تفصیلات کے مطابق اسلام آباد میں وزیراعظم عمران خان کی زیرصدارت نیا پاکستان ہاؤسنگ منصوبے پر پیشرفت اجلاس منعقد ہوا۔

اجلاس میں وزیر برائےہاؤسنگ چوہدری طارق بشیرچیمہ، حماداظہر، انورمنصورخان، گورنر اسٹیٹ بینک باقر رضا،عمران زیب، نوید کامران بلوچ، ارشدفاروق فہیم، شبرزیدی، انورعلی حیدر و دیگرافسران بھی شریک تھے، اس موقع پر وزیراعظم کو پراجیکٹ پر اب تک ہونے والی پیشرفت پرتفصیلی بریفنگ دی گئی۔

اجلاس سے خطاب کرتے ہوئے وزیر اعظم عمران خان نے کہا کہ نیا پاکستان ہاؤسنگ منصوبہ موجودہ حکومت کا اہم ترین منصوبہ ہے، بےگھر افراد کو اپنی چھت اور مکانوں کی کمی کو پورا کرنے میں مدد ملے گی۔

اس کے علاوہ مذکورہ منصوبے سے تعمیرات سے وابستہ صنعتوں کو بھی فروغ ملے گا، وزیر اعظم عمران خان کا مزید کہنا تھا کہ نوجوانوں اور ہنرمندوں کو نوکریوں کے مواقع میسر آئیں گے۔

مزید پڑھیں: وزیر اعظم کی نیا پاکستان ہاؤسنگ پراجیکٹ سے تمام تر رکاوٹیں دور کرنے کی ہدایت

انہوں نے کہا کہ منصوبے سے معیشت کا پہیہ چلے گا اور کم آمدنی اور تنخواہ دار طبقے کو آسان شرائط پر گھرکی سہولت ملے گی۔

Comments

یہ بھی پڑھیں