The news is by your side.

Advertisement

بلاول بھٹو سیاچن بارڈر پر مودی کو للکار رہا ہے

اسلام آباد : پیپلزپارٹی کے رہنما نیئربخاری نے کہا بھارت کےانسانیت سوزمظالم کاسلسلہ خطےکوآگ میں بدل دے گا ، بلاول بھٹو سیاچن بارڈر پر مودی کو للکار رہا ہے۔

تفصیلات کے مطابق پیپلزپارٹی کے رہنما نیئربخاری نے اپنے بیان میں کہا بلاول بھٹو سیاچن بارڈر پر مودی کو للکار رہا ہے، مقبوضہ کشمیرمیں نمازجمعہ پرپابندی کی جتنی مذمت کی جائےکم ہے۔

نیئربخاری کا کہنا تھا کہ بھارت کےانسانیت سوزمظالم کاسلسلہ خطےکوآگ میں بدل دے گا، دنیاخاموش تماشائی کیوں بنی ہوئی ہےسمجھ سے بالاتر ہے۔

بھارت کےانسانیت سوزمظالم کاسلسلہ خطےکوآگ میں بدل دے گا

پی پی رہنما نے کہا کشمیریوں کی نسل کشی اورقتل عام ظلم عظیم ہے، کشمیریوں کوقربانیوں کاثمرآزادی کی شکل میں ضرورملےگا، کشمیر کی سڑکیں لہو لہوہیں، انسانی حقوق کی تنظیموں کوروکاجارہاہے۔

ان کا مزید کہنا تھا کہ دشمن کو دندان شکن جواب کے لئے افواج پاکستان اور قوم تیار ہے۔

یاد رہے چیئرمین پیپلزپارٹی بلاول بھٹو زرداری نے کہا تھا کہ مودی تم رہبر نہیں رہزن ہو، تم کشمیریوں کے قاتل ہو ،  تم سے پوچھتا ہوں کہ اگر تم نے کشمیریوں کو حقوق دئیے ہیں تو کرفیو اٹھاؤ، اور مقبوضہ کشمیر میں جلسہ کرنے کی اجازت دو۔

ان کا کہنا تھا کہ کوئی غلط فہمی میں نہ رہے، بھٹو کا نواسہ، بی بی کا بیٹا ابھی زندہ ہے، کشمیر پر کسی نے کوئی سودا کیا تو تمہارا وہ حال ہوگا جو دنیا یاد رکھے گی، کسی صورت بھی جناح اور بھٹو کے خواب سے سودا بازی نہیں کرنے دوں گا۔

Comments

comments

یہ بھی پڑھیں