The news is by your side.

Advertisement

عمران خان خواتین کی عزت کرتے ہیں، ناز بلوچ

کراچی : پی ٹی آئی کی سابق رکن اور پیپلزپارٹی کی رہنما ناز بلوچ کا کہنا ہے کہ عمران خان خواتین کی عزت کرتے ہیں، عمران خان یا دیگر قیادت نے کبھی کوئی غلط بات نہیں کی۔

تفصیلات کے مطابق پاکستان تحریک انصاف کو خیرباد کہہ دینے والی ناز بلوچ نے عائشہ گلالئی کی جانب سے لگائے جانے والے الزامات پر ردعمل کا اظہار کرتے ہوئے کہا ہے کہ وہ پی ٹی آئی کی کارکن رہی ہیں،کبھی پارٹی میں ایسی کوئی چیز نہیں دیکھی، جب تک پارٹی میں رہی عمران خان نےاحترام کیا۔

ناز بلوچ نے کہا کہ 7سال میں مجھے ایسا کوئی میسج نہیں کیا گیا، عمرن خان خواتین کی عزت کرتے ہیں، عمران خان یا دیگر قیادت نے کبھی کوئی غلط بات نہیں کی۔


مزید پڑھیں :  تحریک انصاف میں خواتین کی عزت محفوظ نہیں، عائشہ گلالئی


یاد رہے گذشتہ روزعائشہ گلالئی نے تحریک انصاف چھوڑنے کا اعلان کیا اور پریس کانفرنس میں پی ٹی آئی پر سنگین الزام لگاتے ہوئے عمران خان اور رہنماؤں کے کردار پرانگلی اٹھادی، عائشہ گلالئی نے کہا تھا کہ پارٹی میں عزت دارخواتین کی عزت نہیں، چئیرمین خود بھی خواتین کی عزت نہیں کرتے، پارٹی میں اخلاقیات نہیں اس لیے چھوڑنے کا فیصلہ کیا۔

انہوں نے الزام عائد کیا کہ تحریک انصاف کے چیئرمین اور قیادت خواتین کارکنان کو نازیبا میسجز کرتی ہے، جس کی وجہ سے کئی خواتین کارکنان نالاں ہیں، میں این اے ون کا ٹکٹ نہیں مانگا، نہ ہی جلسے میں تقریر کا معاملہ تھا، ٹکٹ کی تقسیم میں ابھی 10 ماہ کا وقت ہے، مجھے ٹکٹ نہیں چاہے اور نہ ہی اس کی خواہش مند ہوں۔،


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں