The news is by your side.

Advertisement

ناظم جوکھیو قتل کیس: بڑی پیشرفت، پولیس کے ہاتھ قیمتی ثبوت آگیا

کراچی: ناظم جوکھیو قتل کیس کی تفتیش میں پیش رفت سامنے آئی ہے، پولیس کو مقتول کا موبائل فون اور کپڑے کنویں سے مل گئے ہیں۔

تفتیشی حکام کے مطابق تحقیقات کرنے والی ٹیم کو مقتول کا موبائل فون اور کپڑے کنویں سے ملے ہیں، تحقیقاتی ٹیم نے موبائل ڈیٹا کی مدد سے تفتیش تیز کردی۔

جام گوٹھ میں افضل جوکھیو، نیاز اور جام عبدالکریم کے موبائل فون کی لوکیش بھی سامنے آئی۔ مقتول کی آڈیو اور وڈیو کو مرکزی شواہد کے طور پر استعمال کرنے کا فیصلہ ہوا ہے۔

پولیس کا کہنا ہے کہ خدشہ ہے ناظم جوکھیو کو سر پر لگنے والا ڈنڈا جان لیوا ثابت ہوا، تفصیلی میڈیکل رپورٹ سے مزیدحقائق سامنےآئیں گے، تفیشی ٹیم نے مقتول کے بھائی افضل جوکھیو کے ساتھ جائے واقعہ کا دورہ کیا۔

ناظم جوکھیو کے قتل میں ملوث ملزم کی عبوری ضمانت منظور

تفتیش کرنے والی ٹیم نے کہا کہ ناظم جوکھیو کا موبائل اور کپڑے فرانزک کے لیے بھجوائے جائیں گے، ناظم جوکھیو کی لاش کی اطلاع 3نومبر 2بجے مدد گار پولیس کو شہری نے دی تھی۔

افضل جوکھیو نے پولیس حکام کو بتایا کہ ملزم نے ناظم کو موبائل ان لاک کرنے کو بھی کہا تھا۔

Comments

یہ بھی پڑھیں