The news is by your side.

Advertisement

ناظم جوکھیو کی بیوہ نے شوہر کے قاتلوں کو معاف کردیا

کراچی : ناظم جوکھیو کی بیوہ نے شوہر کے قاتلوں کو معاف کردیا اور کہا میرے اپنوں نے ہی میرا ساتھ چھوڑ دیا، اسی وجہ سے کیس سے پیچھے ہٹ رہی ہوں‌۔

تفصیلات کے مطابق ناظم جوکھیو کی بیوہ شیریں جوکھیو نے شوہر کے قتل میں ملوث لوگوں کو چھوڑنے کافیصلہ کرتے ہوئے کہا میں کیس لڑنا چاہتی تھی لیکن میرے اپنوں نے ہی میرا ساتھ چھوڑ دیا، میں اس لیےکیس نہیں لڑ پارہی۔

،شیریں جوکھیو کا کہنا تھا کہ مجھے سب نے اکیلا کردیا ہے، میں اپنے بچوں کی وجہ سے مجبور ہوں، میری مجبوری کوئی نہیں سمجھ سکتا، میں اسی مجبوری کی وجہ سےکیس سے پیچھے ہٹ رہی ہوں‌۔

میری مجبوری وہی سمجھ سکتا ہے جو بال بچوں والا ہوگا، جس وقت سے گزر رہی ہوں اللہ نہ کرے کسی پر آئے، میری کوئی لالچ نہیں ہے اور نہ ہی مجھے کوئی آفر ملی ہے، میرا فیصلہ اللہ تعالیٰ بہتر کریں گے۔

سندھ ہائی کورٹ میں ناظم جوکھیو قتل کیس کی سماعت ہوئی ، وکلا نے بیان میں کہا کہ ناظم جوکھیو کی بیوہ نےملزمان جام اویس اور جام عبدالکریم کومعاف کردیا ، معافی نامہ اورمعاہدہ جلد پیش کردیں گے۔

عدالت نے ملزمان سالار، دھنی اوردیگر کی عبوری ضمانت میں 11اپریل تک توسیع کردی، ملزمان ملیر کورٹ سے ضمانت منسوخ ہونے پر فرار ہوگئے تھے۔

Comments

یہ بھی پڑھیں