کراچی: نیشنل بینک آف پاکستان کے سسٹم پر سائبر حملہ ہوا ہے، جس کی اسٹیٹ بینک نے بھی تصدیق کردی ہے۔
اے آر وائی نیوز کے مطابق نیشنل بینک آف پاکستان کے حکام نے سائبر حملے سے متعلق اعلامیہ جاری کرتے ہوئے بتایا کہ حملے میں تمام ڈیٹا محفوظ رہا اور کوئی مالی نقصان بھی نہیں ہوا۔
حکام نے بتایا کہ نیشنل بینک کے سسٹم کو مزید حملے سے بچانےکیلئے بند کردیاگیا ہے، نیٹ ورک پر سائبر حملہ گزشتہ رات کیا گیا۔
دوسری جانب اسٹیٹ بینک آف پاکستان نے نیشنل بینک کے سسٹم پر ہونے والے سائبر حملے کی تصدیق کی۔
ایس بی پی اعلامیے کے مطابق نیشنل بینک نےسائبر حملے سے متعلق اطلاع دی ہے، جس کی تحقیقات کا آغاز کردیا گیا ہے۔
NBP has reported a cyber security related incident which is being investigated. NBP has not observed any data breach or financial loss. No other bank has reported any such incidence. SBP is monitoring the situation closely to ensure safety and soundness of banking system.
— SBP (@StateBank_Pak) October 30, 2021
اعلامیے کے مطابق نیشنل بینک نے ڈیٹاکی خلاف ورزی یا مالی نقصان نہ ہونے کا دعویٰ کیا ہے، این بی پی کے علاوہ کسی دوسرے بینک نے سائبر حملےکی اطلاع نہیں دی۔
اسٹیٹ بینک آف پاکستان نے بتایا کہ بینکاری نظام کی حفاظت اوردرستگی کیلئے گہری نظر ہے۔