اسلام آباد : این سی اوسی نے سائینو فارم، آسٹرازنیکا اور سائینوویک کے ڈوز شیڈول میں تبدیلی کردی ، جس کے بعد سائینو فارم ویکسین کی دوسری ڈوز 21 روز بعد ، سائینوویک اور آسٹرازنیکا کی دوسری ڈوز28 دن بعد لگائی جائے گی۔
تفصیلات کے مطابق حکومت کی جانب سے کورونا ویکسین کی خوراکوں کے شیڈول میں تبدیلی کا فیصلہ کرلیا ،ذرائع کا کہنا ہے کہ این سی اوسی نے ویکسین ڈوز شیڈول میں تبدیلی کی منظوری دے دی ہے ۔
ذرائع نے کہا ہے کہ سائینوفارم، آسٹرازنیکا اور سائینوویک کا ڈوز شیڈول تبدیل کیاگیا ہے جبکہ مقررہ مدت کے بعد دوسری ڈوزکیلئے واک ان کی سہولت ہو گی۔
ذرائع کے مطابق سائینو فارم ویکسین کی دوسری ڈوز 21 روز بعد ، سائینوویک اور آسٹرازنیکا کی دوسری ڈوز28 دن بعد لگانے کا فیصلہ کیاگیا ہے، ویکسین ڈوز میں زیادہ گیپ کا فیصلہ عالمی پریکٹس کے مدنظر کیا ہے۔
اس سے قبل آسٹرازنیکا ویکسین کی دوسری ڈوز84دن بعدلگائی جا رہی تھی جبکہ سائینوویک اور سائینو فارم کی دوسری ڈوز45دن بعدلگائی جا رہی تھی۔
