اسلام آباد : نیشنل کمانڈ اینڈ آپریشن سینٹر نے کورونا کا پھیلاؤ روکنے کیلئے سندھ حکومت سے تعاون اور ہر ممکن مدد کا فیصلہ کرلیا ، وفاقی اقدامات میں آکسیجن،وینٹی لیٹرز اور آکسجنیڈبیڈز میں اضافہ شامل ہے۔
تفصیلات کے مطابق نیشنل کمانڈ اینڈ آپریشن سینٹر کی جانب سے سماجی رابطے کی ویب سائٹ ٹوئٹر پر اپنے بیان میں کہا ہے کہ آج این سی اوسی اجلاس میں کراچی میں وباکےپھیلاؤکاجائزہ لیاگیا اور فیصلہ کیا ہے کہ وبا کا پھیلاؤ روکنے کیلئے سندھ حکومت سے بھرپور تعاون کیا جائے گا اور سندھ حکومت کی مدد کیلئے تمام ممکنہ اقدامات کئے جائیں گے۔
During the NCOC meeting held today, the forum critically reviewed disease spread in Karachi and decided to take all possible measures to assist Sindh Government in combating the rising trend of disease. 1/2
— NCOC (@OfficialNcoc) July 30, 2021
این سی او سی کا کہنا تھا کہ وفاقی اقدامات میں آکسیجن،وینٹی لیٹرز اور آکسجنیڈبیڈز میں اضافہ شامل ہے اور ایس او پیزپرعملدرآمدکیلئےقانون نافذ کرنیوالے ادارے بھی تعینات کئے جائیں گے۔
The measures being undertaken by Federal Government include ramp up of critical care capacity including oxygenated beds & vents, availability of oxygen and deployment of LEAs for implementation of SOPs and NPIs. 2/2
— NCOC (@OfficialNcoc) July 30, 2021
یاد رہے وفاقی وزیر برائے منصوبہ بندی اور این سی او سی کے سربراہ اسد عمر نے سندھ میں فوری طور پر اسمارٹ لاک ڈاؤن لگانے پر اتفاق کرتے ہوئے کہا تھا کہ گراؤنڈ پر عملدرآمد کرنے سے بہتر نتائج حاصل کیے جاسکتے ہیں۔
اسد عمر کا کہنا تھا کہ اسلام آباد اور پنجاب میں بھی بہتری کے لیے کام کررہے ہیں، اس میں کوئی شک نہیں کہ کراچی میں صورت حال نازک ہے، وفاق یا صوبائی حکومت کچھ بھی کرے موثر وہ ہوگا جو عوام کرے گی۔
سربراہ این سی او سی نے کہا تھا کہ عوام سماجی رابطے کم رکھیں گے تو وبا کی چوتھی لہر پر بھی قابو پایا جاسکتا ہے، ویکسینیشن نے بڑی مشکل سے مومینٹم پکڑنا ہے، ہمارے خیال میں مکمل شہر کو بند نہیں کرنا چاہیے۔
