The news is by your side.

Advertisement

5 دن میں ایس او پیز کی 84 ہزار سے زائد خلاف ورزیاں ہوئیں: این سی او سی

اسلام آباد: وفاقی وزیر برائے منصوبہ بندی اسد عمر کی زیر صدارت نیشنل کمانڈ اینڈ آپریشن سینٹر کے اجلاس میں بتایا گیا کہ گزشتہ 5 دن میں ملک میں ایس او پیز کی 84 ہزار 294 خلاف ورزیاں ہوئیں، 22 ہزار سے زائد دکانیں سیل اور ان پر جرمانے کیے گئے۔

تفصیلات کے مطابق وفاقی وزیر برائے منصوبہ بندی اسد عمر کی زیر صدارت نیشنل کمانڈ اینڈ آپریشن سینٹر کا اجلاس ہوا، اجلاس میں چیف سیکریٹریز، آزاد کشمیر اور گلگت بلتستان کے نمائندے بھی ویڈیو لنک پر شریک ہوئے۔

اجلاس میں صوبوں کی کرونا وائرس ایس او پیز کی خلاف ورزی پر کارروائیوں کی بریفنگ دی گئی۔

اجلاس کو بتایا گیا کہ گزشتہ 5 دن میں ملک میں ایس او پیز کی 84 ہزار 294 خلاف ورزیاں ہوئیں، 5 دن میں 22 ہزار 405 مارکیٹس اور دکانیں سیل اور ان پر جرمانے کیے گئے۔

این سی او سی کا کہنا ہے کہ 5 دن میں انڈسٹریل سیکٹر میں 91 ہزار 197 گاڑیوں کو وارننگ و جرمانے کیے گئے، ملک بھر میں 12 سو 51 اسمارٹ لاک ڈاؤن جاری ہیں۔

اجلاس کو بتایا گیا کہ پنجاب میں 884 اسمارٹ لاک ڈاؤن سے 1 لاکھ 60 ہزار کی آبادی متاثر ہوئی، خیبر پختونخواہ میں 349 اسمارٹ لاک ڈاؤن سے 40 ہزار 500 افراد متاثرہوئے۔

این سی او سی کا کہنا تھا کہ اسلام آباد میں 9 اسمارٹ لاک ڈاؤن سے 10 ہزار کی آبادی متاثر ہوئی، اسی طرح آزاد کشمیر میں 9 اسمارٹ لاک ڈاؤن سے 24 سو کی آبادی متاثر ہوئی۔

Comments

یہ بھی پڑھیں